جو تمہیں یاد کیا کرتے ہیں

جو تمہیں یاد کیا کرتے ہیں

آہ و فریاد کیا کرتے ہیں

کام ان کا ہے شب و روز یہی

ستم ایجاد کیا کرتے ہیں

تیرے مے خانہ کو اے پیر مغاں

ہمیں آباد کیا کرتے ہیں

اپنی وحشت سے ترے دیوانے

دشت آباد کیا کرتے ہیں

جام مے پی کے شب فرقت میں

دل کو ہم شاد کیا کرتے ہیں

مسئلے شیخ کے جو سنتے ہیں

عمر برباد کیا کرتے ہیں

مشرقیؔ کوئی سنے یا نہ سنے

ہم تو فریاد کیا کرتے ہیں

jo tumhen yad kiya karte hain

ah-o-fariyad kiya karte hain

kam un ka hai shab-o-roz yahi

sitam ijad kiya karte hain

tere mai khana ko ai pir-e-mughan

hamen abad kiya karte hain

apni wahshat se tire diwane

dasht abad kiya karte hain

jam-e-mai pi ke shab-e-furqat mein

dil ko ham shad kiya karte hain

masale shaikh ke jo sunte hain

umr barbad kiya karte hain

mashriqi koi sune ya na sune

ham to fariyad kiya karte hain