جو زمیں پر فراغ رکھتے ہیں

جو زمیں پر فراغ رکھتے ہیں

آسماں پر دماغ رکھتے ہیں

ساقی بھر بھر انہیں کو دے ہے شراب

جو کہ لبریز ایاغ رکھتے ہیں

تیرے داغوں کی دولت اے گل رو

ہم بھی سینے میں باغ رکھتے ہیں

حاجت شمع کیا ہے تربت پر

ہم کہ دل سا چراغ رکھتے ہیں

آپ کو ہم نے کھو دیا ہے بیاںؔ

آہ کس کا سراغ رکھتے ہیں

jo zamin par faragh rakhte hain

asman par dimagh rakhte hain

saqi bhar bhar unhen ko de hai sharab

jo ke labrez ayagh rakhte hain

tere daghon ki daulat ai gul ru

ham bhi sine mein bagh rakhte hain

hajat-e-shama kya hai turbat par

ham ke dil sa charagh rakhte hain

ap ko ham ne kho diya hai bayan

ah kis ka suragh rakhte hain