جو سالک ہے تو اپنے نفس کا عرفان پیدا کر

جو سالک ہے تو اپنے نفس کا عرفان پیدا کر

حقیقت تیری کیا ہے پہلے یہ پہچان پیدا کر

جہاں جانے کو سب دشوار ہی دشوار کہتے ہیں

وہاں جانے کا کوئی راستہ آسان پیدا کر

حقیقت کا کہے جو حال کر ایسی زباں پیدا

محبت کے سنیں جو گیت ایسے کان پیدا کر

حدود عالم تکویں میں سب ممکن ہی ممکن ہے

تو نا ممکن کے جھگڑے میں نہ پڑا امکان پیدا کر

الٰہی بھید تیرے اس نے ظاہر کر دیئے سب پر

کہا تھا کس نے تو سیمابؔ کو انسان پیدا کر

jo salik hai to apne nafas ka irfan paida kar

haqiqat teri kya hai pahle ye pahchan paida kar

jahan jane ko sab dushwar hi dushwar kahte hain

wahan jane ka koi rasta asan paida kar

haqiqat ka kahe jo hal kar aisi zaban paida

mohabbat ke sunen jo git aise kan paida kar

hudud-e-alam-e-takwin mein sab mumkin hi mumkin hai

tu na mumkin ke jhagre mein na para imkan paida kar

ilahi bhed tere us ne zahir kar diye sab par

kaha tha kis ne to simab ko insan paida kar