جو راہ ملاقات تھی سو جان گئے ہم

جو راہ ملاقات تھی سو جان گئے ہم

اے خضر تصور ترے قربان گئے ہم

جمعیت حسن آپ کی سب پر ہوئی ظاہر

جس بزم میں با حال پریشان گئے ہم

اس گھر کے تصور میں جوں ہی بند کیں آنکھیں

صد شکر کہ بے منت دربان گئے ہم

کل واقف کار اپنے سے کہتا تھا وہ یہ بات

جرأتؔ کے جو گھر رات کو مہمان گئے ہم

کیا جانیے کم بخت نے کیا ہم پہ کیا سحر

جو بات نہ تھی ماننے کی مان گئے ہم

jo rah mulaqat thi sau jan gae ham

ai khizr tasawwur tire qurban gae ham

jamiyyat husn ap ki sab par hui zahir

jis bazm mein ba hal pareshan gae ham

is ghar ke tasawwur mein jun hi band-e-kin ankhen

sad shukr ke be minnat darban gae ham

kal waqif kar apne se kahta tha wo ye bat

jurat ke jo ghar rat ko mehman gae ham

kya janiye kam bakht ne kya ham pe kiya sehr

jo bat na thi manne ki man gae ham