جو بنے آئنہ وہ تیرا تماشہ دیکھے

جو بنے آئنہ وہ تیرا تماشہ دیکھے

اپنی صورت میں ترے حسن کا جلوہ دیکھے

ہائے کس طرح تجھے عاشق شیدا دیکھے

تیرا سایہ بھی نہیں ہے کہ جو سایہ دیکھے

تیری شانیں ہیں ہزاروں ترے جلوے لاکھوں

دو ہی آنکھیں ہوں ملی جس کو وہ کیا کیا دیکھے

قیس کو ہوش نہیں لب پہ انا لیلیٰ ہے

اپنے دیوانے کو آ کر ذرا لیلیٰ دیکھے

دیکھنے والے ترے دیکھتے ہیں یوں تجھ کو

جیسے دریا کی طرف پیاس کا مارا دیکھے

کیا سمجھ رکھا ہے اللہ کو تو نے اکبرؔ

آنکھیں کھولے ہوئے بیٹھا ہے کہ جلوہ دیکھے

jo bane aina wo tera tamasha dekhe

apni surat mein tire husn ka jalwa dekhe

hae kis tarah tujhe ashiq-e-shaida dekhe

tera saya bhi nahin hai ke jo saya dekhe

teri shanen hain hazaron tire jalwe lakhon

do hi ankhen hun mili jis ko wo kya kya dekhe

qais ko hosh nahin lab pe ana laila hai

apne diwane ko a kar zara laila dekhe

dekhne wale tire dekhte hain yun tujh ko

jaise dariya ki taraf pyas ka mara dekhe

kya samajh rakha hai allah ko tu ne akbar

ankhen khole hue baitha hai ke jalwa dekhe