جنوں تعلیم کچھ فرما رہا ہے

جنوں تعلیم کچھ فرما رہا ہے

خرد کا ساتھ چھوٹا جا رہا ہے

بڑھی جاتی ہے شمع بزم کی لو

کوئی پروانہ شاید آ رہا ہے

فنا کا پیش رو اس کو سمجھیے

جو لمحہ زندگی کا جا رہا ہے

الٰہی شرم رکھنا راز دل کی

کسی کا نام لب پر آ رہا ہے

تری روشن جبیں کا ہے وہ عالم

چراغ ماہ بھی شرما رہا ہے

نگہ نے شکل تک دیکھی نہیں ہے

پس پردہ کوئی تڑپا رہا ہے

نہالؔ آنکھیں اٹھا بہر نظارہ

کوئی سوئے گلستاں آ رہا ہے

junun taalim kuchh farma raha hai

khirad ka sath chhota ja raha hai

barhi jati hai sham-e-bazm ki lau

koi parwana shayad a raha hai

fana ka pesh ro us ko samajhiye

jo lamha zindagi ka ja raha hai

ilahi sharm rakhna raz-e-dil ki

kisi ka nam lab par a raha hai

tiri raushan jabin ka hai wo alam

charagh-e-mah bhi sharma raha hai

nigah ne shakl tak dekhi nahin hai

pas-e-parda koi tarpa raha hai

nihal ankhen utha bahr-e-nazara

koi su-e-gulistan a raha hai