جو بات ہے تیری سو نرالی

جو بات ہے تیری سو نرالی

عشاق کشی نئی نکالی

تیر مژگان بھی ہے اس پر

ابرو کی تیغ بھی سنبھالی

سمجھے ہے ظاہراً وہ دل کی

دیتا ہے جو در جواب گالی

ناخن زن ہیں بدل یہ انگشت

یہ صرف نہیں حنا کی لالی

ہیں روز ازل سے ہم گرفتار

دیکھی نہ کبھو فراغ بالی

تو تو ہے ہی پہ میں بھی پیارے

ہوں بے پروائی لاابالی

کس طرح دکھاؤں آہ تجھ کو

میں اپنی یہ خراب حالی

ہم ہیں بندے دنی و اسفل

اور آپ کا ہے مزاج عالی

آئینۂ دل میں محو ہو کر

صورت ہی کچھ اور اب نکالی

ہے تجھ سے ہی عاشقوں کی خوبی

یا حضرت دردؔ میرے والی

ہے اس میں ہر ایک شعر عالی

jo bat hai teri so nirali

ushshaq kashi nai nikali

tir-e-mizhgan bhi hai us par

abru ki tegh bhi sambhali

samjhe hai zahiran wo dil ki

deta hai jo dar jawab-e-gali

nakhun zan hain badal ye angusht

ye sirf nahin hina ki lali

hain roz-e-azal se ham giraftar

dekhi na kabhu faragh bali

tu to hai hi pe main bhi pyare

hun be purwai laubali

kis tarah dikhaun ah tujh ko

main apni ye kharab hali

ham hain bande dini-o-asfal

aur ap ka hai mizaj-e-ali

aina-e-dil mein mahw ho kar

surat hi kuchh aur ab nikali

hai tujh se hi ashiqon ki khubi

ya hazrat dard mere wali

hai is mein har ek sher ali