جنس گراں کو تجھ سے جو لوگ چاہتے ہیں

جنس گراں کو تجھ سے جو لوگ چاہتے ہیں

وے روگ اپنے جی کو ناحق بساہتے ہیں

اس میکدے میں ہم بھی مدت سے ہیں ولیکن

خمیازہ کھینچتے ہیں ہر دم جماہتے ہیں

ناموس دوستی سے گردن بندھی ہے اپنی

جیتے ہیں جب تلک ہم تب تک نباہتے ہیں

سہل اس قدر نہیں ہے مشکل پسندی میری

جو تجھ کو دیکھتے ہیں مجھ کو سراہتے ہیں

وے دن گئے کہ راتیں نالوں سے کاٹتے تھے

بے ڈول میرؔ صاحب اب کچھ کراہتے ہیں

jins-e-giran ko tujh se jo log chahte hain

we rog apne ji ko nahaq basahatte hain

is maikade mein ham bhi muddat se hain walekin

khamyaza khinchte hain har dam jamahatte hain

namus-e-dosti se gardan bandhi hai apni

jite hain jab talak ham tab tak nibahte hain

sahl is qadar nahin hai mushkil pasandi meri

jo tujh ko dekhte hain mujh ko sarahatte hain

we din gae ke raten nalon se katte the

be dol mir sahab ab kuchh karahatte hain