جن دنوں ہم اس شب حظ کے سیہ کاروں میں تھے

جن دنوں ہم اس شب حظ کے سیہ کاروں میں تھے

اس ایاغ چشم کے پیوستہ مے خواروں میں تھے

چونک چونک اب کھینچو ہو دامن ہماری خاک سے

وہ بھی سپنا ہو گیا تم گل تھے ہم خاروں میں تھے

خار و خس محرم ہیں پر فن گرچہ ہم رہے جوں حباب

ہم ترے اے بحر حسن آخر ہوا داروں میں تھے

خاک بھی ان کی ہے شکل سرو مثل گرد باد

اس قدر آزاد کے جیتے گرفتاروں میں تھے

خصم جو مقراض گل چیں ہیں ترے اے شمع قد

جوں پتنگے جل گئے ہم جو ترے یاروں میں تھے

اس عزیز خلق کی آنکھوں کے دو بادام پر

بک گئے وہ سب جو یوسف کے خریداروں میں تھے

ایک پتھر بھی نہ آیا سر پہ عزلتؔ اب کی سال

گئے کدھر طفلاں جو دیوانوں کے غم خواروں میں تھے

jin dinon ham is shab-e-haz ke siyah karon mein the

is ayagh-e-chashm ke paiwasta mai khwaron mein the

chaunk chaunk ab khincho ho daman hamari khak se

wo bhi sapna ho gaya tum gul the ham kharon mein the

khar-o-khas mahram hain pur fan garche ham rahe jun habab

ham tire ai bahr-e-husn akhir hua daron mein the

khak bhi un ki hai shakl-e-sarw misl-e-gard-e-bad

is qadar azad ke jite giraftaron mein the

khasm jo miqraz gul chin hain tire ai sham-e-qad

jun patange jal gae ham jo tire yaron mein the

is aziz-e-khalq ki ankhon ke do badam par

bik gae wo sab jo yusuf ke kharidaron mein the

ek patthar bhi na aya sar pe uzlat ab ki sal

gae kidhar tiflan jo diwanon ke gham khwaron mein the