جو اس شور سے میرؔ روتا رہے گا

جو اس شور سے میرؔ روتا رہے گا

تو ہمسایہ کاہے کو سوتا رہے گا

میں وہ رونے والا جہاں سے چلا ہوں

جسے ابر ہر سال روتا رہے گا

مجھے کام رونے سے اکثر ہے ناصح

تو کب تک مرے منہ کو دھوتا رہے گا

بس اے گریہ آنکھیں تری کیا نہیں ہیں

کہاں تک جہاں کو ڈبوتا رہے گا

مرے دل نے وہ نالہ پیدا کیا ہے

جرس کے بھی جو ہوش کھوتا رہے گا

تو یوں گالیاں غیر کو شوق سے دے

ہمیں کچھ کہے گا تو ہوتا رہے گا

بس اے میرؔ مژگاں سے پونچھ آنسوؤں کو

تو کب تک یہ موتی پروتا رہے گا

jo is shor se mir rota rahega

tu hamsaya kahe ko sota rahega

main wo rone wala jahan se chala hun

jise abr har sal rota rahega

mujhe kam rone se aksar hai naseh

tu kab tak mire munh ko dhota rahega

bas ai girya ankhen tiri kya nahin hain

kahan tak jahan ko dubota rahega

mire dil ne wo nala paida kiya hai

jaras ke bhi jo hosh khota rahega

to yun galiyan ghair ko shauq se de

hamen kuchh kahega to hota rahega

bas ai mir-e-mizhgan se ponchh ansuon ko

tu kab tak ye moti pirota rahega