جس کی بخدا اس بت کافر پہ نظر ہے

جس کی بخدا اس بت کافر پہ نظر ہے

چھاتی ہے پہاڑ اس کی تو پتھر کا جگر ہے

اے دل در دنداں کو ذرا دیکھ تو اس کے

کیا درج میں یاقوت کی یہ سلک گہر ہے

کیا صاف کہوں یار کے رخسار کا اوصاف

اک غیرت خورشید ہے ایک رشک قمر ہے

بینائی کہاں اتنی نظر آئے جو مجھ کو

باریک رگ جاں سے بھی کچھ اس کی کمر ہے

کرتا ہے دلا کس لئے تو یار کو بدنام

باعث تری رسوائی کا یہ دیدۂ تر ہے

سمجھوں نہ جدائی کو میں کیوں وصل سے بہتر

صورت تری آنکھوں کے تلے آٹھ پہر ہے

روتا ہے وہ حسرت پہ تری سوختہ جاں کی

جوں شمع سحر جو کوئی سرگرم سفر ہے

jis ki bakhuda us but-e-kafir pe nazar hai

chhati hai pahar us ki to patthar ka jigar hai

ai dil dar-e-dandan ko zara dekh to us ke

kya darj mein yaqut ki ye silk-e-guhar hai

kya saf kahun yar ke rukhsar ka ausaf

ik ghairat-e-khurshid hai ek rashk-e-qamar hai

binai kahan itni nazar ae jo mujh ko

barik rag-e-jan se bhi kuchh us ki kamar hai

karta hai dila kis liye to yar ko badnam

bais tiri ruswai ka ye dida-e-tar hai

samjhun na judai ko main kyun wasl se behtar

surat tiri ankhon ke tale ath pahar hai

rota hai wo hasrat pe tiri sokhta jan ki

jun sham-e-sahar jo koi sargarm-e-safar hai