جس کو وہ نقش پا نہیں ملتا

جس کو وہ نقش پا نہیں ملتا

ذرہ بھی خاک کا نہیں ملتا

لوگ تو روتے ہیں غم دل کو

ہم کو دل کا پتا نہیں ملتا

کس نجومی سے پوچھئے جا کر

یار ملتا ہے یا نہیں ملتا

کیوں مرے پاس آئے وہ جب تک

جسم سے سر جدا نہیں ملتا

دل کے دو حرف وہ بھی آپس میں

ایک سے دوسرا نہیں ملتا

مرنا ہے خواب زیست کی تعبیر

خواب میں جو ملا نہیں ملتا

کر چکے سیر بھی دو عالم کی

ایک بھی آپ سا نہیں ملتا

کس سرا میں مسافر آ اترا

زندگی کا مزا نہیں ملتا

جس نے دشمن بھلا دئے سارے

ہم کو وہ آشنا نہیں ملتا

جو در کار ساز تک پہنچے

اس کو نایابؔ کیا نہیں ملتا

jis ko wo naqsh-e-pa nahin milta

zarra bhi khak ka nahin milta

log to rote hain gham-e-dil ko

ham ko dil ka pata nahin milta

kis nujumi se puchhiye ja kar

yar milta hai ya nahin milta

kyun mire pas ae wo jab tak

jism se sar juda nahin milta

dil ke do harf wo bhi apas mein

ek se dusra nahin milta

marna hai khwab zist ki taabir

khwab mein jo mila nahin milta

kar chuke sair bhi do alam ki

ek bhi ap sa nahin milta

kis sara mein musafir a utra

zindagi ka maza nahin milta

jis ne dushman bhala diye sare

ham ko wo ashna nahin milta

jo dar kar saz tak pahunche

us ko nayab kya nahin milta