جس کے ہم بیمار ہیں غم نے اسے بھی راندہ ہے

جس کے ہم بیمار ہیں غم نے اسے بھی راندہ ہے

ہو چکا درماں مسیحا آپ ہی درماندہ ہے

جیتے جی کیا مر گئے پر بھی وبال دوش ہے

جو مری میت اٹھاتا ہے وہ دیتا کاندھا ہے

تا قیامت گردش تقدیر جانے کی نہیں

اپنی برگشتہ نصیبی نے وہ چرخا ناندہ ہے

ہے عیاں ہر شے سے دکھلائی نہیں دیتا مگر

واہ رے ڈھٹ بندی کیا سب کی نظر کو باندھا ہے

ہم ادھر بیتاب ادھر وہ برق وش بیتاب ہے

کوندتی بجلی کسی جانب لپکتا کاندہ ہے

اڑ گیا بک بک سے ہم نازک مزاجو کا دماغ

پند گو چپ رہ کہاں کا قصہ ناندہ ہے

ڈر نہیں بے ماترے اے شادؔ ہندی لفظ کا

اس غزل میں قافیہ دانستہ ہم نے باندھا ہے

jis ke ham bimar hain gham ne use bhi randa hai

ho chuka darman masiha ap hi darmanda hai

jite ji kya mar gae par bhi wabal-e-dosh hai

jo miri mayyat uthata hai wo deta kandha hai

ta qayamat gardish-e-taqdir jane ki nahin

apni bargashta nasibi ne wo charkha nanda hai

hai ayan har shai se dikhlai nahin deta magar

wah re dhat bandi kya sab ki nazar ko bandha hai

ham idhar betab idhar wo barq wash betab hai

kaundti bijli kisi janib lapakta kanda hai

ur gaya bik bik se ham nazuk mizajo ka dimagh

pand go chup rah kahan ka qissa nanda hai

dar nahin be matare ai shad hindi lafz ka

is ghazal mein qafiya danista ham ne bandha hai