جس قدر ہیں حسن کی زیبائیاں

جس قدر ہیں حسن کی زیبائیاں

اس قدر ہیں عشق کی رسوائیاں

میری جانب ہے رخ تصویر دوست

لوٹ لیں اس نے مری تنہائیاں

دینے والے اب تو دامن بھی نہیں

اس قدر تیری کرم فرمائیاں

حسن کا ناز پشیماں دیکھ کر

عشق کو آنے لگیں انگڑائیاں

ہو گیا مشکل ترا پہچاننا

روز افزوں ہیں تری رعنائیاں

غم کی شب کیفیؔ مرا کوئی نہیں

دور مجھ سے ہو گئیں پرچھائیاں

jis qadar hain husn ki zebaiyan

is qadar hain ishq ki ruswaiyan

meri janib hai rukh-e-taswir dost

laut len us ne miri tanhaiyan

dene wale ab to daman bhi nahin

is qadar teri karam farmaiyan

husn ka naz-e-pasheman dekh kar

ishq ko ane lagen angraiyan

ho gaya mushkil tira pahchanna

roz afzun hain tiri raanaiyan

gham ki shab kaifi mira koi nahin

dur mujh se ho gain parchhaiyan