جس نے تجھے خلوت میں بھی تنہا نہیں دیکھا

جس نے تجھے خلوت میں بھی تنہا نہیں دیکھا

اس دیکھنے والے کا کلیجہ نہیں دیکھا

اف اف وہ اچٹتی سی نگاہ غلط انداز

اس طرح سے دیکھا ہے کہ گویا نہیں دیکھا

جس گل کو یہ سب ڈھونڈتی پھرتی ہیں ہوائیں

تو نے تو اسے نرگس شہلا نہیں دیکھا

دم آنکھوں میں اٹکا ہے خدا کے لیے آؤ

پھر یہ نہ گلہ ہو مرا رستا نہیں دیکھا

شاعرؔ یہ غزل لکھی ہے یا جڑ دیئے موتی

دنیا میں قلم کار بھی ایسا نہیں دیکھا

jis ne tujhe khalwat mein bhi tanha nahin dekha

is dekhne wale ka kaleja nahin dekha

uf uf wo achtati si nigah-e-ghalat andaz

is tarah se dekha hai ke goya nahin dekha

jis gul ko ye sab dhundti phirti hain hawaen

tu ne to use nargis-e-shahla nahin dekha

dam ankhon mein atka hai khuda ke liye ao

phir ye na gila ho mira rasta nahin dekha

shayar ye ghazal likhi hai ya jur diye moti

duniya mein qalam kar bhi aisa nahin dekha