جس کو کہ دسترس ہوئی دامان یار تک

جس کو کہ دسترس ہوئی دامان یار تک

گلشن میں دہر کے وہی پہنچا بہار تک

جوں خار اس سے تو نہیں ہوتے جدا رقیب

مجھ کو رسائی کیوں کہ ہو اس گلعذار تک

ابرو کہاں نے وضع نکالی ہے یہ نئی

رہتا ہے تیر غمزہ مرے دل میں مار تک

پیارے کہیں نظر نہ لگے آئنے کی آج

بے طرح تجھ کو رہتا ہے وہ اے نگار تک

غفلت میں تیری کام ہمارا تمام ہے

کوئی کہہ دے اتنا یار تغافل شعار تک

ہم صرف دیکھنے کو ہیں محروم اور ہے

غیروں کو دسترس ترے بوس و کنار تک

ساقی شتاب جام صبوحی پلا مجھے

کیا جانئے بچوں نہ بچوں میں خمار تک

دشمن ہے میری جان کا عالم ترے لیے

یارو کوئی سناؤ یہ اس دوست دار تک

تجھ بزم میں جو بار جہاں دارؔ کو نہیں

رہتا ہے رہ گزر میں تجھے بار بار تک

jis ko ke dastaras hui daman-e-yar tak

gulshan mein dahr ke wahi pahuncha bahar tak

jun khar us se to nahin hote juda raqib

mujh ko rasai kyun ke ho is gulizar tak

abru kahan ne waza nikali hai ye nai

rahta hai tir-e-ghamza mire dil mein mar tak

pyare kahin nazar na lage aine ki aj

be tarah tujh ko rahta hai wo ai nigar tak

ghaflat mein teri kam hamara tamam hai

koi kah de itna yar taghaful shiar tak

ham sirf dekhne ko hain mahrum aur hai

ghairon ko dastaras tire bos-o-kanar tak

saqi shitab jam-e-sabuhi pila mujhe

kya janiye bachchon na bachchon mein khumar tak

dushman hai meri jan ka alam tire liye

yaro koi sunao ye is dost dar tak

tujh bazm mein jo bar jahan dar ko nahin

rahta hai rah guzar mein tujhe bar bar tak