جس کو چاہو تم اس کو بھر دو
Imdad Ali Bahr (1810–1878)جس کو چاہو تم اس کو بھر دو
ماہ کو نقرہ مہر کو زر دو
پیر مغاں سے عرض یہ کر دو
دکھن بخشو اگر ساغر دو
آہ یہ دونوں آفت جاں ہیں
ناز و ادا لعنت بر ہر دو
جی جلتا ہے آہ کے جھونکو
شمع محبت کو گل کر دو
قطرہ فشانی کیا اے آنکھو
ایسے برسو جل تھل بھر دو
بلبلو صیاد آج خفا ہے
حلق چھری کے نیچے دھر دو
جان ان آنکھوں سے نہ بچے گی
یہ ہے ادھر تنہا وہ ادھر دو
دم کی آمد و شد کیا کہیے
ضعف کی راہ سے ہیں یہ سفر دو
اپنا گلا خود کاٹتے ہیں ہم
دم لو چھری کی تلے بے دردو
جان و مال فدا کرنے میں
فکر و تردد اے نا مردو
عرض یہ ہے نقاش ازل سے
حب کے نقش میں یار کو گھر دو
دولت دل تم تو حاضر ہے
خط عذار تمسک کر دو
شکر گزار بہ ہر صورت ہیں
زہر ہمیں دو یا شکر دو
آنکھوں میں ہے مواد گریہ
بحرؔ ان پھوڑوں کو نشتر دو
jis ko chaho tum us ko bhar do
mah ko nuqra mehr ko zar do
pir-e-mughan se arz ye kar do
dakkhan bakhsho agar saghar do
ah ye donon afat jan hain
naz-o-ada laanat bar har do
ji jalta hai ah ke jhonko
shama mohabbat ko gul kar do
qatra fishani kya ai ankho
aise barso jal thal bhar do
bulbulo sayyad aj khafa hai
halq chhuri ke niche dhar do
jan in ankhon se na bachchegi
ye hai idhar tanha wo idhar do
dam ki amad-o-shud kya kahiye
zof ki rah se hain ye safar do
apna gila khud katte hain ham
dam lo chhuri ki tale be dardo
jan-o-mal fida karne mein
fikr-o-taraddud ai na mardo
arz ye hai naqqash-e-azal se
hub ke naqsh mein yar ko ghar do
daulat dil tum to hazir hai
khat izar tamassuk kar do
shukr guzar ba har surat hain
zahr hamen do ya shakar do
ankhon mein hai mawad girya
bahr in phoron ko nashtar do