جستجوئے نشاط مبہم کیا

جستجوئے نشاط مبہم کیا

دل میسر ہے لذت غم کیا

مستئ ہوش کے فسانے ہیں

جشن پرویز و عشرت جم کیا

ایک عالم کو دیکھتا ہوں میں

یہ ترا دھیان ہے مجسم کیا

اذن ہنگامۂ نگاہ نہ دے

کیا ہماری بساط اور ہم کیا

ننگ رحمت ہے احتیاج دعا

انتظار گدائے مبرم کیا

میری فطرت ہے گوش بر آواز

سن رہا ہوں نوائے محرم کیا

مٹ گیا نام عاشقی اب اور

چاہتا ہے وہ حسن برہم کیا

کاش پوچھو تو کچھ بتائیں ہم

حاصل شکوہ ہائے باہم کیا

دل کمال حیات ہے فانیؔ

دل کے مارے ہوؤں کا ماتم کیا

justuju-e-nishat-e-mubham kya

dil muyassar hai lazzat-e-gham kya

masti-e-hosh ke fasane hain

jashn-e-parwez-o-ishrat-e-jam kya

ek alam ko dekhta hun main

ye tira dhyan hai mujassam kya

izn-e-hangama-e-nigah na de

kya hamari bisat aur ham kya

nang-e-rahmat hai ehtiyaj-e-dua

intizar-e-gadae mubram kya

meri fitrat hai gosh bar awaz

sun raha hun nawa-e-mahram kya

mit gaya nam-e-ashiqi ab aur

chahta hai wo husn barham kya

kash puchho to kuchh bataen ham

hasil-e-shikwa ha-e-baham kya

dil kamal-e-hayat hai fani

dil ke mare huon ka matam kya