جدا اس سے بھلا کب تک رہوں میں

جدا اس سے بھلا کب تک رہوں میں

بری اس سے بھلا کب تک رہوں میں

طبیعت چاہتی ہے اس کو میری

کھنچی اس سے بھلا کب تک رہوں میں

لڑا کرتا ہے وہ مجھ سے ہمیشہ

ملی اس سے بھلا کب تک رہوں میں

جھپٹتا ہے وہ سو سو بار آکر

بچی اس سے بھلا کب تک رہوں میں

برا مجھ کو سمجھتا ہے جو رنگینؔ

بھلی اس سے بھلا کب تک رہوں میں

juda us se bhala kab tak rahon main

buri us se bhala kab tak rahon main

tabiat chahti hai us ko meri

khinchi us se bhala kab tak rahon main

lara karta hai wo mujh se hamesha

mili us se bhala kab tak rahon main

jhapatta hai wo sau sau bar akar

bachi us se bhala kab tak rahon main

bura mujh ko samajhta hai jo rangin

bhali us se bhala kab tak rahon main