جس دم قفس میں موسم گل کی خبر گئی

جس دم قفس میں موسم گل کی خبر گئی

اک بار قیدیوں پہ قیامت گزر گئی

دھندلا گئے نقوش تو سایہ سا بن گیا

دیکھا کیا میں ان کو جہاں تک نظر گئی

بہتر تھا میں جو دور سے پھولوں کو دیکھتا

چھونے سے پتی پتی ہوا میں بکھر گئی

کتنے ہی لوگ صاحب احساس ہو گئے

اک بے نوا کی چیخ بڑا کام کر گئی

تنہائیوں کے شہر میں کون آئے گا شکیبؔ

سو جاؤ اب تو رات بھی آدھی گزر گئی

jis dam qafas mein mausam-e-gul ki khabar gai

ik bar qaidiyon pe qayamat guzar gai

dhundla gae nuqush to saya sa ban gaya

dekha kiya main un ko jahan tak nazar gai

behtar tha main jo dur se phulon ko dekhta

chhune se patti patti hawa mein bikhar gai

kitne hi log sahab-e-ehsas ho gae

ik be nawa ki chikh bara kam kar gai

tanhaiyon ke shahr mein kaun aega shakeb

so jao ab to rat bhi adhi guzar gai