جدھر دیکھ تمہاری بزم میں اغیار بیٹھے ہیں

جدھر دیکھ تمہاری بزم میں اغیار بیٹھے ہیں

ادھر دس پانچ بیٹھے ہیں ادھر دو چار بیٹھے ہیں

انہیں دنبالہ دار آنکھوں نے مجھ کو مار رکھا ہے

انہیں چھریوں کے میرے دل پہ گہرے وار بیٹھے ہیں

انہیں کی موت ہے جن کو تمہارے وصل کی دہن ہے

وہی سکھ نیند سوتے ہیں جو ہمت ہار بیٹھے ہیں

تمہیں کیا ہو گیا ہے بام پر تم کیوں نہیں آتے

نسیمؔ مضطرب کب سے تہ دیوار بیٹھے ہیں

jidhar dekh tumhari bazm mein aghyar baithe hain

idhar das panch baithe hain idhar do char baithe hain

unhen dumbala dar ankhon ne mujh ko mar rakha hai

unhen chhuriyon ke mere dil pe gahre war baithe hain

unhen ki maut hai jin ko tumhare wasl ki dahan hai

wahi sukh nind sote hain jo himmat har baithe hain

tumhen kya ho gaya hai bam par tum kyun nahin ate

nasim-e-muztarib kab se tah-e-diwar baithe hain