جتنا کوئی تجھ سے یار ہوگا

جتنا کوئی تجھ سے یار ہوگا

اتنا ہی خراب و خوار ہوگا

ہر روز ہو روز عید تو بھی

تو مجھ سے نہ ہم کنار ہوگا

بس دل اتنا تڑپ نہ چپ رہ

تجھ کو بھی کہیں قرار ہوگا

دیکھے جو کوئی چمن میں تجھ کو

گل اس کی نظر میں خار ہوگا

شکوے میں ہو جس کے خون کی بو

تیرا ہی وہ دل فگار ہوگا

ناصح نہ ہو گریہ سے جو مانع

میرا وہی غم گسار ہوگا

جا یار شتاب سوزؔ سے مل

تیرا اسے انتظار ہوگا

jitna koi tujh se yar hoga

itna hi kharab-o-khwar hoga

har roz ho roz-e-eid tu bhi

tu mujh se na ham kanar hoga

bas dil itna tarap na chup rah

tujh ko bhi kahin qarar hoga

dekhe jo koi chaman mein tujh ko

gul us ki nazar mein khar hoga

shikwe mein ho jis ke khun ki bu

tera hi wo dil figar hoga

naseh na ho girya se jo mane

mera wahi gham gusar hoga

ja yar shitab soz se mil

tera use intizar hoga