جس زمیں پر ترا نقش کف پا ہوتا ہے

جس زمیں پر ترا نقش کف پا ہوتا ہے

ایک اک ذرہ وہاں قبلہ نما ہوتا ہے

کاش وہ دل پہ رکھے ہاتھ اور اتنا پوچھے

کیوں تڑپ اٹھتا ہے کیا بات ہے کیا ہوتا ہے

بزم دشمن ہے خدا کے لیے آرام سے بیٹھ

بار بار اے دل ناداں تجھے کیا ہوتا ہے

میری صورت مری حالت مری رنگت دیکھی

آپ نے دیکھ لیا عشق میں کیا ہوتا ہے

اے صبا خار مغیلاں کو سنا دے مژدہ

عازم دشت کوئی آبلہ پا ہوتا ہے

ہم جو کہتے ہیں ہمیشہ ہی غلط کہتے ہیں

آپ کا حکم درست اور بجا ہوتا ہے

jis zamin par tira naqsh-e-kaf-e-pa hota hai

ek ik zarra wahan qibla numa hota hai

kash wo dil pe rakhe hath aur itna puchhe

kyun tarap uthta hai kya bat hai kya hota hai

bazm-e-dushman hai khuda ke liye aram se baith

bar bar ai dil-e-nadan tujhe kya hota hai

meri surat miri halat miri rangat dekhi

ap ne dekh liya ishq mein kya hota hai

ai saba khar-e-mughilan ko suna de muzhda

azim-e-dasht koi abla pa hota hai

ham jo kahte hain hamesha hi ghalat kahte hain

ap ka hukm durust aur baja hota hai