جذب دل جب بروئے کار آیا

جذب دل جب بروئے کار آیا

ہر نفس سے پیام یار آیا

موت کا انتظار تھا آئی

جائیے اب مجھے قرار آیا

جب کسی نے لیا تمہارا نام

گریہ بے قصد و اختیار آیا

بے قراری میں اب یہ ہوش نہیں

کس کے در پر تجھے پکار آیا

فرش گل پھر بچھا رہی ہے نسیم

آئیے موسم بہار آیا

آج ہم پی سکے نہ وہ آنسو

ان کے آگے جو بار بار آیا

خیر تو ہے کہ آپ کے در سے

آج فانیؔ امیدوار آیا

jazb-e-dil jab baru-e-kar aya

har nafas se payam-e-yar aya

maut ka intizar tha ai

jaiye ab mujhe qarar aya

jab kisi ne liya tumhara nam

girya be qasd-o-ikhtiyar aya

be qarari mein ab ye hosh nahin

kis ke dar par tujhe pukar aya

farsh-e-gul phir bichha rahi hai nasim

aiye mausam-e-bahar aya

aj ham pi sake na wo ansu

un ke age jo bar bar aya

khair to hai ke ap ke dar se

aj fani umidwar aya