Arooz is now on the App Store, for iPhone and iPad. Download →

All poetry

جس دل ربا سوں دل کوں مرے اتحاد ہے

Wali Dakani (1667–1707)

جس دل ربا سوں دل کوں مرے اتحاد ہے

دیدار اس کا میری انکھاں کی مراد ہے

رکھتا ہے بر میں دلبر رنگیں خیال کوں

مانند آرسی کے جو صاف اعتقاد ہے

شاید کہ دام عشق میں تازہ ہوا ہے بند

وعدے پہ گل رخاں کے جسے اعتماد ہے

باقی رہے گا جور و ستم روز حشر لگ

تجھ زلف کی جفا میں نپٹ امتداد ہے

مقصود دل ہے اس کا خیال اے ولیؔ مجھے

جیوں مجھ زباں پہ نام محمد مراد ہے