جب کسی نے آن کر دل سے مرے پرخاش کی

جب کسی نے آن کر دل سے مرے پرخاش کی

بات تب عاشق گری کی میں جہاں میں فاش کی

کیا کہوں جس نے کیا اس حسن کو آراستہ

چوم لیجے انگلیاں یارو اسی نقاش کی

اے مصور جو ہوا منقوش تیرے ہاتھ سے

وہ کہاں تصویر بن سکتی کسی سے قاش کی

کل ترے کوچے میں میں جا کر کے سر اپنا پٹک

رو پڑا تجھ کو نہیں پایا بہت تالاش کی

یارو ساقی اور شراب و سبزہ موجود آج ہے

آفریدیؔ ہے کباب دل پہ جا شاباش کی

jab kisi ne an kar dil se mire parkhash ki

bat tab ashiq giri ki main jahan mein fash ki

kya kahun jis ne kiya us husn ko arasta

chum lije ungliyan yaro isi naqqash ki

ai musawwir jo hua manqush tere hath se

wo kahan taswir ban sakti kisi se qash ki

kal tire kuche mein main ja kar ke sar apna patak

ro para tujh ko nahin paya bahut talash ki

yaro saqi aur sharab-o-sabza maujud aj hai

afridi hai kabab-e-dil pe ja shabash ki