جب نقاب چہرۂ قاتل کھلا

جب نقاب چہرۂ قاتل کھلا

تب دل وابستۂ بسمل کھلا

جب چڑھایا دار پر منصور کو

تب معمائے حق و باطل کھلا

جانے والوں پر عدم کے کیا بنی

کچھ نہ حال سختیٔ منزل کھلا

میری خاموشی کا اک چرچا ہوا

بند لب رکھنے سے راز دل کھلا

حسرت دیدار قاتل دیکھنا

رہ گیا ہے دیدۂ بسمل کھلا

ظرف عالیؔ دیکھ اے پیر مغاں

پی گیا خم اور نہ راز دل کھلا

jab naqab-e-chehra-e-qatil khula

tab dil-e-wabasta-e-bismil khula

jab charhaya dar par mansur ko

tab muamma-e-haq-o-batil khula

jane walon par adam ke kya bani

kuchh na hal-e-sakhti-e-manzil khula

meri khamoshi ka ik charcha hua

band lab rakhne se raz-e-dil khula

hasrat-e-didar qatil dekhna

rah gaya hai dida-e-bismil khula

zarf ali dekh ai pir-e-mughan

pi gaya kham aur na raz-e-dil khula