جب کسی لائق نہیں ہم جب کسی قابل نہیں

جب کسی لائق نہیں ہم جب کسی قابل نہیں

موت بہتر ایسے جینے سے تو کچھ حاصل نہیں

کھینچتے ہو کیسی بے دردی سے میرے دل سے تیر

چارہ سازو کیا تمہارے پہلوؤں میں دل نہیں

اڑ گئی ہے ہجر میں شاہد ہیں تارے چرخ کے

یاد جاناں سے ہماری نیند تک غافل نہیں

دیکھ کر صورت مری کہتے ہیں میرے چارہ ساز

مر نہیں سکتا تو یہ جینے کے بھی قابل نہیں

کچھ سمجھ کر مجمع محشر میں آ نکلے تھے ہم

غور سے دیکھا تو یہ ظالم تری محفل نہیں

آپ تھے صفدرؔ سر محفل کسی کے شکوہ سنج

آپ کہتے تھے کہ سینے میں ہمارے دل نہیں

jab kisi laiq nahin ham jab kisi qabil nahin

maut behtar aise jine se to kuchh hasil nahin

khinchte ho kaisi be dardi se mere dil se tir

chara sazo kya tumhare pahluon mein dil nahin

ur gai hai hijr mein shahid hain tare charkh ke

yad janan se hamari nind tak ghafil nahin

dekh kar surat miri kahte hain mere chara saz

mar nahin sakta to ye jine ke bhi qabil nahin

kuchh samajh kar majma-e-mahshar mein a nikle the ham

ghaur se dekha to ye zalim tiri mahfil nahin

ap the safdar sar-e-mahfil kisi ke shikwa sanj

ap kahte the ke sine mein hamare dil nahin