جب نبی صاحب میں کوہ و دشت سے آئی بسنت

جب نبی صاحب میں کوہ و دشت سے آئی بسنت

کر کے مجرا شاہ مرداں کی طرف دھائی بسنت

خواجہ قطب الدیں میں پھر گڑوا بنا کر لے گئی

یعنی ان کی نذر کو سو پھول گل لائی بسنت

واں سے پھر حضرت نظام الدیں کی خدمت میں چلی

تربت خسرو پہ پھر ہو کے کھڑے گائی بسنت

سوئے حضرت ترکماں آئی جو کر اس کا طواف

ہو گئی ووہیں بیابانی و صحرائی بسنت

ووہیں پھر دربار شاہ ہند میں رکھ کر قدم

ناچنے گانے لگی ہنس ہنس بہ زیبائی بسنت

پھر جناب آصف دوراں میں باصد عیش و ناز

ہو گئی آ کر کے مصروف جبیں سائی بسنت

مصحفیؔ اب اک غزل لکھ تو غزل کی طرح سے

تا کرے عالم کا تاراج شکیبائی بسنت

jab nabi sahab mein koh-o-dasht se ai basant

kar ke mujra shah-e-mardan ki taraf dhai basant

khwaja qutb alddain mein phir garwa bana kar le gai

yaani un ki nazr ko so phul gul lai basant

wan se phir hazrat nizam-e-alddain ki khidmat mein chali

turbat-e-khusrau pe phir ho ke khare gai basant

su-e-hazrat-e-tarkaman ai jo kar us ka tawaf

ho gai wohain bayabani-o-sahrai basant

wohain phir darbar shah-e-hind mein rakh kar qadam

nachne gane lagi hans hans ba zebai basant

phir janab-e-asaf dauran mein basad aish-o-naz

ho gai a kar ke masruf-e-jabin sai basant

mushafi ab ik ghazal likh to ghazal ki tarah se

ta kare alam ka taraj-e-shakebai basant