جب کہ ایدھر تری نگاہ پڑی

جب کہ ایدھر تری نگاہ پڑی

میرے ہی دل پہ میری آہ پڑی

بے طرح کچھ مرے ہی جاتا ہے

دل پہ حالت عجب تباہ پڑی

تو کرے اب نباہ یا نہ کرے

اپنے ذمے تو یاں نباہ پڑی

دم بہ دم یوں جو بد گمانی ہے

کچھ تو عاشق کی تجھ کو چاہ پڑی

تیرے کوچہ میں جائے بن نہ رہے

اب تو واں کی اثرؔ کو راہ پڑی

jab ke idhar tiri nigah pari

mere hi dil pe meri ah pari

be tarah kuchh mire hi jata hai

dil pe halat ajab tabah pari

tu kare ab nibah ya na kare

apne zimme to yan nibah pari

dam ba dam yun jo bad gumani hai

kuchh to ashiq ki tujh ko chah pari

tere kucha mein jae ban na rahe

ab to wan ki asar ko rah pari