جب پری رو حجاب کرتے ہیں

جب پری رو حجاب کرتے ہیں

دل کے درپن کوں آب کرتے ہیں

گردش چشم کا دکھا یک دور

ہم کوں مست شراب کرتے ہیں

آتش عشق کی اگن سوں جلا

عاشقاں کوں کباب کرتے ہیں

تاب دکھلا جمال روشن کا

آرسی غرق آب کرتے ہیں

بیت ابرو پہ تل سوں کاجل کے

نقطۂ انتخاب کرتے ہیں

عرق گل رخاں کو دیکھ عشاق

میل عطر گلاب کرتے ہیں

دیکھ اس کے حنا کوں مردم چشم

خون دل سوں خضاب کرتے ہیں

سن سخنداں تری غزل داؤدؔ

آفریں کر خطاب کرتے ہیں

jab pari ru hijab karte hain

dil ke darpan kun ab karte hain

gardish-e-chashm ka dikha yak dur

ham kun mast-e-sharab karte hain

atish-e-ishq ki agan sun jala

ashiqan kun kabab karte hain

tab dikhla jamal-e-raushan ka

arsi gharq-e-ab karte hain

bit abru pe til sun kajal ke

nuqta-e-intikhab karte hain

araq gul rukhan ko dekh ushshaq

mel itr-e-gulab karte hain

dekh us ke hina kun mardum-e-chashm

khun-e-dil sun khizab karte hain

sun sukhandan tiri ghazal daud

afrin kar khitab karte hain