جب کہا تیر تری آنکھ نے اکثر مارا

جب کہا تیر تری آنکھ نے اکثر مارا

چتونیں پھیر کے بولے کہ برابر مارا

قدر کچھ بھی مرے دل کی بت کافر نے نہ کی

زلف پیچاں سے جو الجھا تو مرے سر مارا

جان بے موت خدا بھی نہیں لیتا لیکن

تو نے بے موت ہی لوگوں کو ستم گر مارا

چند ذرے میری مٹی کے فقط ہاتھ آئے

دشت غربت کے بگولوں نے جو چکر مارا

اک مسلمان کا دل توڑ دیا کیا کہنا

اپنے نزدیک بڑا آپ نے کافر مارا

مضطرؔ ایسا کوئی اب تک نہ ہو اور نہ ہو

موت نے ہائے عبث داغ سخنور مارا

jab kaha tir tiri ankh ne aksar mara

chitwanen pher ke bole ke barabar mara

qadr kuchh bhi mire dil ki but-e-kafir ne na ki

zulf-e-pechan se jo uljha to mire sar mara

jan-e-be maut khuda bhi nahin leta lekin

tu ne be maut hi logon ko sitam gar mara

chand zarre meri mitti ke faqat hath ae

dasht-e-ghurbat ke bagulon ne jo chakkar mara

ik musalman ka dil tor diya kya kahna

apne nazdik bara ap ne kafir mara

muztar aisa koi ab tak na ho aur na ho

maut ne hae abas dagh sukhanwar mara