جب ذرا نغموں سے بلبل گل فشاں ہو جائے گا

جب ذرا نغموں سے بلبل گل فشاں ہو جائے گا

ٹوکری پھولوں کی سارا آشیاں ہو جائے گا

جب اٹھے گا جوش مے بن جائے گا وہ آفتاب

جب اڑے گا خم کا سرپوش آسماں ہو جائے گا

جسم و جاں کا فیصلہ سارا اسی کے ہاتھ ہے

پاؤں تیری تیغ کا خود درمیاں ہو جائے گا

معجز شق القمر دکھلائے گی انگشت حسن

چاند تیرے پرتوے سے خود کتاں ہو جائے گا

رند ہاں عمامۂ زاہد پہ ہوں ہتھ پھیریاں

کشتیٔ مے کا اک اچھا بادباں ہو جائے گا

سر پہ چھن چھن کر بلائیں آئیں گی خاموش قدرؔ

آہ کھینچو گے تو چھلنی آسماں ہو جائے گا

jab zara naghmon se bulbul gul fishan ho jaega

tokri phulon ki sara ashiyan ho jaega

jab uthega josh-e-mai ban jaega wo aftab

jab urega kham ka sarposh asman ho jaega

jism-o-jan ka faisla sara usi ke hath hai

paon teri tegh ka khud darmiyan ho jaega

mojiz-e-shaqq alqamar dikhlaegi angusht husn

chand tere partawe se khud katan ho jaega

rind han ammama-e-zahid pe hun hath pheriyan

kashti-e-mai ka ik achchha badban ho jaega

sar pe chhin chhin kar balaen aengi khamosh qadr

ah khinchoge to chhalni asman ho jaega