جب سے آباد کیا قیس نے ویرانے کو

جب سے آباد کیا قیس نے ویرانے کو

چھیڑنے آتی ہے لیلیٰ ترے دیوانے کو

پوچھ صیاد نہ کچھ روح کے گھبرانے کو

قفس تن سے یہ کہتی ہے نکل جانے کو

دیکھ مستانہ گھٹاؤں کو ذرا اے ساقی

دوش پر آج صبا لاتی ہے میخانے کو

ہوش تو گم تھے گئی شرم بھی رسوائی بھی

کون ہے اب جو سنبھالے ترے دیوانے کو

داغ ایسے دئے یاران وطن نے صفدرؔ

جی نہیں چاہتا اب سوئے وطن جانے کو

jab se abad kiya qais ne wirane ko

chherne ati hai laila tire diwane ko

puchh sayyad na kuchh ruh ke ghabrane ko

qafas-e-tan se ye kahti hai nikal jane ko

dekh mastana ghataon ko zara ai saqi

dosh par aj saba lati hai maikhane ko

hosh to gum the gai sharm bhi ruswai bhi

kaun hai ab jo sambhale tire diwane ko

dagh aise diye yaran-e-watan ne safdar

ji nahin chahta ab su-e-watan jane ko