جب خزاں آئی چمن میں سب دغا دینے لگے

جب خزاں آئی چمن میں سب دغا دینے لگے

تنکے اڑا اڑ کر نشیمن کا پتہ دینے لگے

جب مری گستاخیوں کی وہ سزا دینے لگے

وصل کی شب لات گھونسہ بھی مزا دینے لگے

مانجھ کر وہ دانتوں کو جب مسکرا دینے لگے

چھوٹی موٹی سینکڑوں بجلی گرا دینے لگے

قتل کرنے کے بجائے یہ سزا دینے لگے

کھود کر گڈھا مجھے زندہ دبا دینے لگے

بے تحاشہ قبر پر کسلے بجا دینے لگے

میری مٹی کو ٹھکانے سے لگا دینے لگے

ان کے اک تھپڑ سے جب میں دم چرا کر پڑ گیا

ایسے گھبرائے کہ دامن سے ہوا دینے لگے

آپ تو مانگا کریں تھے میرے مرنے کی دعا

اب لگا مرنے تو جینے کی دعا دینے لگے

کیسا عاشق آپ تو مجھ کو سمجھتے ہیں قلی

ہر جگہ ہاتھوں میں میرے بسترہ دینے لگے

ہو گیا مجبور میں بھی اور دل ناکام بھی

وصل کی شب جب خدا کا واسطہ دینے لگے

کم نہیں ہے تارپیڈو سے ترے تیر نظر

چھید کر دل آگ سینے میں لگا دینے لگے

محروموں سے آپ کے جوبن کا عقدہ کھل گیا

آپ کی اٹھتی جوانی کا پتہ دینے لگے

بومؔ ہونا چاہئے بزم سخن میں وہ کلام

دوست کیا دشمن صدائے مرحبا دینے لگے

jab khizan ai chaman mein sab dagha dene lage

tinke ura ur kar nasheman ka pata dene lage

jab miri gustakhiyon ki wo saza dene lage

wasl ki shab lat ghonsa bhi maza dene lage

manjh kar wo danton ko jab muskura dene lage

chhoti moti sainkron bijli gira dene lage

qatl karne ke bajae ye saza dene lage

khod kar gadha mujhe zinda daba dene lage

be tahasha qabr par kisle baja dene lage

meri mitti ko thikane se laga dene lage

un ke ik thappar se jab main dam chura kar par gaya

aise ghabrae ke daman se hua dene lage

ap to manga karen the mere marne ki dua

ab laga marne to jine ki dua dene lage

kaisa ashiq ap to mujh ko samajhte hain quli

har jagah hathon mein mere bastrah dene lage

ho gaya majbur mein bhi aur dil-e-nakam bhi

wasl ki shab jab khuda ka wasta dene lage

kam nahin hai tarpedu se tire tir-e-nazar

chhed kar dil ag sine mein laga dene lage

mahrumon se ap ke joban ka uqda khul gaya

ap ki uthti jawani ka pata dene lage

bum hona chahiye bazm-e-sukhan mein wo kalam

dost kya dushman sada-e-marhaba dene lage