جب مرا مہر جلوہ گر ہوگا

جب مرا مہر جلوہ گر ہوگا

دوپہر ہوگا جو پہر ہوگا

تم نہیں کرتے قتل تو نہ کرو

زہر میں بھی تو کچھ اثر ہوگا

او رقیبوں کی رونق محفل

اس طرف بھی کبھی گزر ہوگا

حضرت دل مزاج کیسا ہے

پھر بھی اس کوچہ میں گزر ہوگا

کس کو مطلب ہے بے کسوں سے حسنؔ

کون میرا پیام بر ہوگا

jab mira mehr jalwa gar hoga

dopahar hoga jo pahar hoga

tum nahin karte qatl to na karo

zahr mein bhi to kuchh asar hoga

o raqibon ki raunaq-e-mahfil

is taraf bhi kabhi guzar hoga

hazrat-e-dil mizaj kaisa hai

phir bhi us kucha mein guzar hoga

kis ko matlab hai be kison se husn

kaun mera payam bar hoga