ایسا وار پڑا سر کا
باقی صدیقیایسا وار پڑا سر کا
بھول گئے رستہ گھر کا
زیست چلی ہے کس جانب
لے کاسہ کاسہ مر کا
کیا کیا رنگ بدلتا ہے
وحشی اپنے اندر کا
دل سے نکل کر دیکھو تو
کیا عالم ہے باہر کا
سر پر ڈالی سرسوں کی
پاؤں میں کانٹا کیکر کا
کون صدف کی بات کرے
نام بڑا ہے گوہر کا
دن ہے سینے کا گھاؤ
رات ہے کانٹا بستر کا
اب تو وہ جی سکتا ہے
جس کا دل ہو پتھر کا
چھوڑو شعر اٹھو باقیؔ
وقت ہوا ہے دفتر کا
aisa war para sar ka
bhul gae rasta ghar ka
zist chali hai kis janib
le kasa kasa mar ka
kya kya rang badalta hai
wahshi apne andar ka
dil se nikal kar dekho to
kya alam hai bahar ka
sar par dali sarson ki
paon mein kanta kikar ka
kaun sadaf ki bat kare
nam bara hai gauhar ka
din hai sine ka ghao
rat hai kanta bistar ka
ab to wo ji sakta hai
jis ka dil ho patthar ka
chhoro sher utho baqi
waqt hua hai daftar ka