جب سے تیرا کرم ہے بندہ نواز

جب سے تیرا کرم ہے بندہ نواز

سوز ہے سوز اور نہ ساز ہے ساز

میں ہوں اور میری بے پر و بالی

دل ہے اور دل کی جرأت پرواز

حسن کی برہمی معاذ اللہ

گیسوؤں کے بکھرنے کا انداز

زلف برہم جھکی ہوئی نظریں

گردن ناز میں کمند نیاز

قد بالا و دامن کوتاہ

منزل عشق کے نشیب و فراز

قطع ہونے لگا ہے رشتۂ زیست

اے غم یار تیری عمر دراز

jab se tera karam hai banda nawaz

soz hai soz aur na saz hai saz

main hun aur meri be par-o-bali

dil hai aur dil ki jurat-e-parwaz

husn ki barhami maaz allah

gesuon ke bikharne ka andaz

zulf-e-barham jhuki hui nazren

gardan-e-naz mein kamand-e-niyaz

qad-e-bala-o-daman-e-kotah

manzil-e-ishq ke nasheb-o-faraz

qata hone laga hai rishta-e-zist

ai gham-e-yar teri umr-e-daraz