جب عیاں صبح کو وہ نور مجسم ہو جائے

جب عیاں صبح کو وہ نور مجسم ہو جائے

گوہر شبنم گل نیر اعظم ہو جائے

مرثیہ ہو مجھے گانا جو سنوں فرقت میں

بے ترے بزم غنا مجلس ماتم ہو جائے

دیکھ کر طول شب ہجر دعا کرتا ہوں

وصل کے روز سے بھی عمر مری کم ہو جائے

دیکھ کر پھولوں کو انگاروں پہ لوٹوں اے گل

بے ترے گلشن فردوس جہنم ہو جائے

کم نہیں ملک سلیماں سے وصال ساقی

گردش جام مجھے حلقۂ خاتم ہو جائے

jab ayan subh ko wo nur-e-mujassam ho jae

gauhar-e-shabnam-e-gul nayar-e-aazam ho jae

marsiya ho mujhe gana jo sunun furqat mein

be tire bazm-e-ghina majlis-e-matam ho jae

dekh kar tul-e-shab-e-hijr dua karta hun

wasl ke roz se bhi umr miri kam ho jae

dekh kar phulon ko angaron pe lautun ai gul

be tire gulshan-e-firdaus jahannam ho jae

kam nahin mulk-e-sulaiman se wisal-e-saqi

gardish-e-jam mujhe halqa-e-khatam ho jae