جب دل میں ترے غم نے حسرت کی بنا ڈالی

جب دل میں ترے غم نے حسرت کی بنا ڈالی

دنیا مری راحت کی قسمت نے مٹا ڈالی

اب برق نشیمن کو ہر شاخ سے کیا مطلب

جس شاخ کو تاکا تھا وہ شاخ جلا ڈالی

اظہار محبت کی حسرت کو خدا سمجھے

ہم نے یہ کہانی بھی سو بار سنا ڈالی

جینے بھی نہیں دیتے مرنے بھی نہیں دیتے

کیا تم نے محبت کی ہر رسم اٹھا ڈالی

جینے میں نہ اب فانیؔ مرنے میں شمار اپنا

ماتم کی بساط اس نے کیا کہہ کے اٹھا ڈالی

jab dil mein tire gham ne hasrat ki bana dali

duniya miri rahat ki qismat ne mita dali

ab barq nasheman ko har shakh se kya matlab

jis shakh ko taka tha wo shakh jala dali

izhar-e-mohabbat ki hasrat ko khuda samjhe

ham ne ye kahani bhi sau bar suna dali

jine bhi nahin dete marne bhi nahin dete

kya tum ne mohabbat ki har rasm utha dali

jine mein na ab fani marne mein shumar apna

matam ki bisat us ne kiya kah ke utha dali