جب سے دلبر نے آنکھ پھیرا ہے

جب سے دلبر نے آنکھ پھیرا ہے

مجھ کو دوران سر نے گھیرا ہے

کوچۂ زلف نت اندھیرا ہے

وہاں سیہ بخت دل کا ڈیرا ہے

وجد میں ہیں دوانے ابر کو دیکھ

لیلیٰٔ فصل گل کا ڈیرا ہے

یکہ آزاد ہے دو عالم سے

جو کہ بے دام تیرا چیرا ہے

گال پر ہے کسی کے کاٹ کا نقش

منہ پہ زلفیں تبھی بکھیرا ہے

نت بکے ہے کہ باؤلا عزلتؔ

یہ نہ بولا کبھو کہ میرا ہے

jab se dilbar ne ankh phera hai

mujh ko dauran-e-sar ne ghera hai

kucha-e-zulf nit andhera hai

wahan siyah bakht-e-dil ka dera hai

wajd mein hain diwane abr ko dekh

laila-e-fasl-e-gul ka dera hai

yakka azad hai do alam se

jo ke be dam tera chira hai

gal par hai kisi ke kat ka naqsh

munh pe zulfen tabhi bikhera hai

nit bike hai ke baola uzlat

ye na bola kabhu ke mera hai