اہل ایماں سے نہ کافر سے کہو

اہل ایماں سے نہ کافر سے کہو

اے بتو لیکن خدا لگتی کہو

گر ملیں یاران رفتہ پوچھیے

مر گئے پر کس طرح گزری کہو

پائمالو عشق میں کیوں کر کٹی

کوہ کن سے سرگزشتے اپنی کہو

چشم تر پر دجلہ و جیحوں میں کیا

ابر سی چھا جائے جو پھبتی کہو

شمع و پروانہ جو پوچھیں سوز عشق

اپنی بیتی یا مری بیتی کہو

پیٹ پیچھے بد کہو اے آئنو

روبرو اس کے نہ منہ دیکھی کہو

منہ لپیٹے گوشۂ مرقد میں شادؔ

کیوں پڑے چپ ہو ہے کیسا جی کہو

ahl-e-iman se na kafir se kaho

ai buto lekin khuda lagti kaho

gar milen yaran-e-rafta puchhiye

mar gae par kis tarah guzri kaho

paimalo ishq mein kyun kar kati

koh kin se sarguzishte apni kaho

chashm-e-tar par dajla-o-jaihun mein kya

abr si chha jae jo phabti kaho

shama-o-parwana jo puchhen soz-e-ishq

apni biti ya miri biti kaho

pet pichhe bad kaho ai aino

rubaru us ke na munh dekhi kaho

munh lapete gosha-e-marqad mein shad

kyun pare chup ho hai kaisa ji kaho