جب زلف کو کھولے ہوئے لیلائے شب آئی

جب زلف کو کھولے ہوئے لیلائے شب آئی

پردیس میں سادات پہ، آفت عجب آئی

فریاد کناں روح امیر عرب آئی

غل تھا کہ شب قتل شہ تشنہ لب آئی

سادات کو کیا کیا غمِ جانکاہ دکھائے

رات ایسی مصیبت کی نہ اللہ دکھائے

کاغذ پہ لکھے کیا قلم اس شب کی سیاہی

ہے چار طرف جس کی سیاہی سے تباہی

مرغان ہوا بر میں طپاں، بحر میں ماہی

تربت سے نکل آئے تھے محبوب الٰہی

فریاد کا تھا شور رسولان سلف میں

یثرب میں تزلزل تھا اداسی تھی نجف میں

صدمے سے ہوا رنگ رخ ماہ کا کافور

اختر بھی بنے مردمک دیدۂ بے نور

غم چھا گیا، راحت دل عالم سے ہوئی دور

تصویر الم بن گئی جنت میں ہر اک حور

کہتے تھے ملک رات نہ ہووے گی اب ایسی

تاروں نے بھی دیکھی نہ تھی تاریک شب ایسی

شمع طرب محفل عالم تھی جو خاموش

تھی رات بھی شبیرؔ کے ماتم میں سیہ پوش

کیا غم تھا کہ شادی تھی ہر اک دل کو فراموش

ہر چشم کو تھا غم میں سمندر کی طرح جوش

مضطر تھے علیؔ اشکوں سے منہ دھوتی تھی زہراؔ

مقتل تھا جہاں شاہ کا، واں روتی تھی زہراؔ

تھا خانۂ غم خیمۂ شاہنشہ والا

آندھی یہ پریشاں تھی کہ دل تھا تہ و بالا

مشعل نہ ٹھہرتی تھی، نہ شمعوں کا اجالا

خیمہ بھی اندھیرے میں نظر آتا تھا کالا

خاک اڑتی تھی منہ پر، حرم شیر خدا کے

تھا چیں بجبیں فرش بھی جھونکوں سے ہوا کے

جنگل کی ہوا، اور درندوں کی صدائیں

تھراتی تھیں بچوں کو چھپائے ہوئے مائیں

دھڑکا تھا کہ دہشت سے نہ جانے کہیں جائیں

روتی تھی کوئی، اور کوئی پڑھتی تھی دعائیں

گودوں میں بھی راحت نہ ذرا پاتے تھے بچے

جب بولتے تھے شیر تو ڈر جاتے تھے بچے

بچوں کے بلکنے پہ حرم کرتے تھے زاری

غش ہو گئی تھی بالی سکینہؔ کئی باری

چلاتی تھی رو رو کے وہ شبیرؔ کی پیاری

یا حضرت عباسؔ چلی جان ہماری

افسوس کہ پانی کا تو قطرہ نہیں گھر میں

اور آگ لگی ہے مرے ننھے سے جگر میں

تھی سب سے سوا، بنت علی، مضطر و بیتاب

فق ہو گیا تھا شام سے منہ صورت مہتاب

مژگاں سے رخ پاک پہ تھی، بارش خوں ناب

تلوار کلیجے پہ چلے جب تو کہاں تاب

اِک کرب تھا بسمل کی طرح جان حزیں پر

اٹھتی تھی کبھی اور کبھی گرتی تھی زمیں پر

کہتی تھی کبھی، آج پیمبر نہیں ہے ہے

حال اپنا دکھاؤں کسے حیدرؔ نہیں ہے ہے

بیٹی پہ فلک ٹوٹا ہے، مادر نہیں ہے ہے

شبیرؔ مصیبت میں تھے، شبرؔ نہیں ہے ہے

دیکھا نہ سنا یہ جو ستم آج ہے لوگو

نازوں کا پلا پانی کو محتاج ہے لوگو

در پیش ہے کل فوج سمتگر سے لڑائی

یاں تھوڑے سے پیاسے ہیں، ادھر ساری خدائی

بے سر دیے رن سے نہ پھرے گا مرا بھائی

ہو جائے گی حیدرؔ کے بھرے گھر کی صفائی

اس غم سے سدا اشکوں سے منہ دھوتی تھیں اماں

کل دن وہ ہے جس دن کے لئے روتی تھی اماں

تھے دوسرے خیمہ میں ادھر سبط پیمبر

دربار میں حاضر تھے رفیقان دلاور

اک پہلو میں قاسمؔ تھے اور اک پہلو میں اکبرؔ

اکبرؔ کے ادھر لخت دل زینب مضطر

شبیرؔ محبت سے سخن کرتے تھے سب سے

عباسؔ علی سامنے بیٹھے تھے ادب سے

سر گرم تھے مر جانے پہ، سب شاہ کے انصار

عباس سے یہ کہتا تھا، وہ کل کا مدد گار

تم رہیو ذرا خیمۂ ناموس سے ہشیار

ڈر ہے نہ کرے بے ادبی لشکر کفار

بے دینوں کو راحت مری منظور نہیں ہے

شب خوں جو ادھر سے ہو، تو کچھ دور نہیں ہے

یہ ذکر ابھی تھا کہ یکایک خبر آئی

اے چاند ید اللہ کے، شب دوپہر آئی

حضرت کو ستاروں کی جو گردش نظر آئی

دل یاد خدا کرنے لگا، چشم بھر آئی

فرمایا بڑا اجر ہے، بیدارئ شب کا

اے تشنہ لبو وقت ہے یہ طاعت رب کا

اب عمر بھی آخر ہے، نمازیں بھی ہیں آخر

بے توشہ پہونچتا نہیں، منزل پہ مسافر

ہر وقت ہے ربِ دو جہاں حاضر و ناظر

اجر ان کے مضاعف ہیں جو ہیں صابر و شاکر

مشکل نہ کسی رنج کو سمجھے نہ بلا کو

بندہ وہی بندہ ہے جو بھولے نہ خدا کو

نام اس کا رہے ورد، سفر ہو کہ حضر ہو

موجود سمجھ لے اسے جنگل ہو کہ گھر ہو

سجدے ہی کرے دکھ میں کہ راحت میں بسر ہو

تسبیح میں شب ہو، تو نمازوں میں سحر ہو

عشق گل تر ظلم کے خاروں میں نہ بھولے

معشوق کو تلواروں کی دھاروں میں نہ بھولے

چومے لب سوفار، جو سینے پہ لگیں تیر

دم عشق کا بھرتا رہے زیر دم شمشیر

زخموں کو یہ سمجھے، کہ ملا گلشن توقیر

تکبیر کا نعرہ ہو زباں پر، دم تکبیر

کٹنے میں رگوں کے نہ صدا آہ کی نکلے

ہر رنگ میں بو الفت اللہ کی نکلے

شہ نے سخن معرفت حق جو سنائے

اشک آنکھوں میں ہر عاشق صادق کے بھر آئے

کچھ پیاس کا شکوہ بھی زباں پر نہیں لائے

سجادے وہیں لا کے دلیروں نے بچھائے

تکبیریں ہوئیں لشکر اللہ و نبی میں

سب محو ہوئے یاد جناب احدی میں

تسبیح کہیں تھی کہیں سجدے کہیں زاری

تھا صوت حسن سے کوئی قرآن کا قاری

کرتا تھا کوئی عرض کہ یا حضرت باری

اب صبح کو عزت ہے ترے ہاتھ ہماری

حرمت سے شریک شہدا کیجیو یا رب

تو حوصلۂ صبر، عطا کیجیو یا رب

ہم ہیں ترے محبوب کے پیارے کے مددگار

مرنے کے لئے آئے ہیں یا چھوڑ کے گھر بار

یہ بندۂ بے کس ہے مصیبت میں گرفتار

کر رحم کہ ہے ذات تری راحم و غفار

فاقوں کے سبب، جسم کی طاقت میں کمی ہے

تجھ سے طلب قوت ثابت قدمی ہے

بے کس ہیں مسافر ہیں، وطن دور ہے، گھر دور

ہفتم سے ہمیں گھیرے ہے یہ لشکر مقہور

تیروں سے ہوں غربال کہ تیغوں سے بدن چور

احمدؔ کے نواسے سے جدائی نہیں منظور

پھر منہ کسے دکھلائیں جو سردار کو چھوڑیں

کیوں کر ترے مقبول کی سرکار کو چھوڑیں

مردوں کے لئے ننگ ہے تلواروں سے لڑنا

راحت ہو کہ ایذا، یہیں جینا، یہیں مرنا

تو چاہے تو مشکل نہیں کچھ سر سے گزرنا

اے کل کے مدد گار، مدد جنگ میں کرنا

فاقوں میں ہزاروں سے وغا ہو تو مزا ہے

کچھ حق نمک ہم سے ادا ہو تو مزا ہے

کرتے تھے مناجات ادھر یاور و انصار

پڑھتے تھے نماز شب ادھر، سید ابرار

تھی نیت تسبیح بتول جگر افگار

آواز بکا خیمے سے آنے لگی یک بار

اکبرؔ سے اشارہ کیا مڑ کر، کہ یہ کیا ہے

کہ عرض پھوپھی جان کے رونے کی صدا ہے

یوں تو کئی راتوں سے وہ ہیں مضطر و بیتاب

راحت کی نہ صورت ہے نہ آرام کا اسباب

غش میں جو ذرا بند ہوئے، دیدۂ پر آب

روتی ہوئی چونکی ہیں، ابھی دیکھ کے کچھ خواب

نعلین کہیں، چادر پر نور کہیں ہے

اس وقت سے بسمل کی طرح چین نہیں ہے

سب بیبیاں ہیں رو رہیں بچوں کو لیے پاس

ایک ایک کو اندیشہ ہے، ایک ایک کو وسواس

جو پوچھتا ہے وجہ تو کہتی ہیں بصد یاس

لوگو مجھے شبیر کے بچنے کی نہیں آس

مانگو یہ دعا غیب سے بے کس کی مدد ہو

صدقے کرو مجھ کو کہ بلا بھائی کی رد ہو

ان کا تو یہ احوال ہے، اماں کا یہ عالم

اشکوں کی جھڑی آنکھوں سے تھمتی نہ تھی اِک دم

اصغرؔ کی بھی ہے فکر، سکینہ کا بھی ہے غم

شش ماہ کا بچہ بھی ہوا جاتا ہے بے دم

گودی میں اٹھائیں اُسے یا اس کو سنبھالیں

دو روز کے فاقے میں وہ کس کس کو سنبھالیں

رو آتی ہیں عابدؔ کے سرہانے کبھی جا کر

گہوارۂ اصغرؔ پہ کبھی گرتی ہیں آ کر

قرآں کی ہوا دیتی ہیں غش میں اسے پا کر

بہلاتی ہیں، بیٹی کو کبھی اشک بہا کر

وہ کہتی ہے تا صبح یوں ہی روؤں گی اماں

بابا ہی جب آویں گے تو میں سوؤں گی اماں

بتلاؤ شہ جن و بشر کیوں نہیں آتے

اب رات بہت کم ہے، پدر کیوں نہیں آتے

آزردہ ہیں کچھ مجھ سے، ادھر کیوں نہیں آتے

کیا آج وہیں سوئیں گے، گھر کیوں نہیں آتے

اب پیاسوں کی فریاد بھی بابا نہیں سنتے

حضرت مرے رونے کی صدا کیا نہیں سنتے

رو کر علیؔ اکبر نے جو کی شہ سے یہ تقریر

پڑھتے ہوئے تسبیح گئے، حضرت شبیرؔ

دیکھی جو نہ تھی دیر سے وہ چاند سی تصویر

قدموں پہ محبت سے گری دوڑ کے ہمشیر

بیتاب جو پایا بہت اس تشنہ دہن کو

شبیرؔ نے لپٹا لیا چھاتی سے بہن کو

فرمایا بہن تم نے بنایا ہے یہ کیا حال

نہ سر پہ عصابہ ہے نہ چادر ہے نہ رومال

ماتھا ہے بھرا خاک سے بکھرے ہوئے ہیں بال

پیٹو نہیں، جیتا ہے ابھی فاطمہؔ کا لال

دم تن سے مرا کٹ کے نکل جائے گا زینبؔ

رو لیجیو جب رونے کا وقت آئے گا زینبؔ

جیتا ہوں میں اور آہ ابھی سے یہ تلاطم

یہ کرب یہ دکھ درد، یہ زاری یہ تظلم

ہوتے ہیں مرے ہوش و حواس آئے ہوئے گم

خنجر کے تلے دیکھو گی کس طرح مجھے تم

بس صبر کرو جی سے گذر جائیں گے بچے

تڑپو گی تم اس طرح تو مر جائیں گے بچے

تلوار کسی نے ابھی تولی نہیں مجھ پر

سینہ ابھی تیروں سے مشبک نہیں خواہر

گردن پہ کسی نے ابھی پھیرا نہیں خنجر

مر جائے گا بھائی تمہیں ثابت ہوا کیوں کر

ہر چند کہ ساعت نہیں ٹلتی ہے قضا کی

بچ جاؤں تو کیا دور ہے قدرت سے خدا کی

زینبؔ نے کہا خوش ہوں جو میری اجل آئے

بھائی تمہیں اللہ اس آفت سے بچائے

خالق مجھے عابدؔ کی یتیمی نہ دکھائے

بھائی کی بلا لے کے بہن خلق سے جائے

وسواس طبیعت کو بہلنے نہیں دیتا

بے چین ہے دل مجھ کو سنبھلنے نہیں دیتا

آتا ہے سکینہؔ کی یتیمی کا، مجھے دھیان

ہر وقت بھرا گھر نظر آ جاتا ہے، ویران

سمجھانے سے کچھ دل جو بہلتا ہے، میں قربان

پھر جاتا ہے آنکھوں کے تلے موت کا سامان

بازو مرے کسنے کو رسن لاتا ہے کوئی

سر پر سے ردا کھینچے لئے جاتا ہے کوئی

منہ ڈھانپ کے بستر پہ جو سو جاتی ہوں دم بھر

تو چاک گریباں نظر آتے ہیں پیمبر

اماں کبھی چلاتی ہیں یوں کھولے ہوئے سر

بیٹی نہ بچے گا ترا مظلوم برادر

کیا لیٹی ہے بستر پہ کدھر دھیان ہے زینبؔ

شپیر اسی رات کا مہمان ہے زینبؔ

یہ ذکر ابھی تھا کہ سکینہؔ نے پکارا

سونا تو گیا آپ کے ہمراہ ہمارا

میں جاگتی ہوں اور جہاں سوتا ہے سارا

گردوں پہ چمکنے نہ لگے صبح کا تارا

نیند آئی ہے بیٹی کو سلا جایئے بابا

بس ہو چکیں باتیں اب ادھر آیئے بابا

حضرت نے کہا میں تِری آواز کے قرباں

اللہ تم اب تک نہیں سوئی ہو مری جاں

غربت میں کہاں راحت و آرام کا ساماں

بن باپ کے تم کو تو نہیں چین کسی آں

اچھی نہیں عادت یہ نہ رویا کرو بی بی

پہلو میں کبھی ماں کے بھی سویا کرو بی بی

کیا ہووئے جو ہم گھر میں کسی شب کو نہ آئیں

مجبور ہوں ایسے کہ تمہیں چھوڑ کے جائیں

تم پاؤ نہ ہم کو، نہ تمہیں ہم کہیں پائیں

بی بی کہو پھر چھاتی پہ کس طرح سلائیں

جنگل میں بہت قافلے لٹ جاتے ہیں، بی بی

برسوں جو رہے ساتھ وہ چھٹ جاتے ہیں، بی بی

جب عمر تھی کم، ہم بھی چھٹے تھے یونہی ماں سے

سوتے تھے لپٹ کر یوں ہی، خاتون جناں سے

کوچ ان کا ہوا سامنے آنکھوں کے جہاں سے

ماتم سے ملیں وہ، نہ بکا سے، نہ فغاں سے

یہ داغ یہ اندوہ و الم سب کے لئے ہیں

ماں باپ زمانے میں سدا کس کے جیے ہیں

رستہ وہ اجل کا ہے کہ ہوتا ہی نہیں بند

کوچ آج پدر کا ہے تو کل جائے گا فرزند

ہوتا ہے قلق فرقت اولاد میں وہ چند

کیا زور ہے بندے کا، جو مرضیٔ خداوند

جو آئے ہیں دنیا میں وہ سب کوچ کریں گے

اس زیست کا انجام یہی ہے کہ مریں گے

یہ کہتے تھے حضرت کی صدا آئی اذاں کی

گلدستۂ اسلام پہ، بلبل نے فغاں کی

اک دم میں بہار اور ہوئی باغ جہاں کی

تلوار چلی گلشن انجم پہ خزاں کی

مہتاب ہوا گم فلک نیلوفری سے

پھولا گل خورشید، نسیم سحری سے

گرمی کی سحر اور وہ پھولوں کا مہکنا

مرغان چمن کا وہ درختوں پہ چہکنا

انجم کا وہ چھپنا کبھی اور گاہ چمکنا

وہ سرد ہوا اور وہ سبزے کا لہکنا

اس دشت میں روتی تھی جو شبنم شہ دیں پر

تھا موتیوں کا فرش زمرد کی زمیں پر

جلوہ وہ دم صبح کا، وہ نور کا عالم

دلچسپ صدا نوبت و شہنا کی، وہ باہم

سرخی وہ شفق کی، افق چرخ پہ کم کم

وہ گل کے کٹوروں پہ در افشانیٔ شبنم

خشکی میں بھی سردی سے ترائی کا سماں تھا

پر مالک گلزار جناں، تشنہ دہاں تھا

لشکر میں ادھر مورچے بندی کی ہوئی دھوم

یاں فرض ادا کرنے لگے عاشق قیوم

پیچھے تو جماعت تھی اور آگے شہ مظلوم

صف بستہ ملائک ہیں، یہی ہوتا تھا معلوم

سب ساجد و راکع تھے شہنشاہ کے ہمراہ

تاباں تھے بہتر مہ نو ماہ کے ہمراہ

خیمہ تھا فلک، آپ قمر، دوست ستارے

تارے بھی وہ تاروں کو فلک جن پہ اتارے

خم ہو گیا تھا، پیر فلک شرم کے مارے

کہتی تھی زمیں، اوج ہے طالع کو ہمارے

خورشید نہیں روشنیٔ نیر دیں ہے

خود عرش کو دھوکا تھا، یہ میں ہوں کہ زمیں ہے

جو صف ہے وہ اک سطر ہے قران مبیں کی

دیوار ہے قبلہ کی طرف، کعبۂ دیں کی

کیا خوب جماعت ہے یہ ارباب یقیں کی

افلاک کی زینت ہے تو رونق ہے زمیں کی

کس طرح شہنشاہ سے وہ فوج جدا ہو

مشکل ہے کہ دریا سے کہیں موج جدا ہو

اس دم تھی یہ آواز پس پردۂ قدرت

اے قدسیو دیکھو مرے بندوں کی عبادت

نہ پیاس کا شکوہ ہے، نہ فاقوں کی شکایت

یہ زہد، یہ تقویٰ، یہ اطاعت، یہ ریاضت

کونین میں یہ صاحب اقبال و شرف ہیں

عالم ہوں کہ ان لوگوں کے دل میری طرف ہیں

کس عجز سے آگے مرے حاضر ہیں یہ بندے

دیکھو مرے محبوب کے ناصر ہیں، یہ بندے

مظلوم ہیں بے کس ہیں مسافر ہیں یہ بندے

تھوڑے نہ ہوں کس طرح کے شاکر ہیں یہ بندے

صادق ہیں ولی سے مرے ان سب کو ولا ہے

ان کا وہ صلہ ہے جو رسولوں کا ملا ہے

پرسش نہ لحد میں نہ حساب اُن کے لئے ہے

یہ لائق رحمت ہیں، ثواب اُن کے لئے ہے

موتی سے جو ہے صاف، وہ آب اُن کے لئے ہے

میں جس کا ہوں ساقی، وہ شراب اُن کے لئے ہے

اس نخل ریاضت کے ثمر اُن کو ملیں گے

جو عرش کے نیچے ہیں وہ گھر اُن کے ملیں گے

فارغ جو صلوٰۃ سحری سے ہوئے دیں دار

پوشاک پہننے کو اٹھے سید ابرار

فرمانے لگے حضرت عباسؔ علمدار

ہاں غازیو اب تم بھی سجو جنگ کے ہتھیار

قرباں تمہیں ہونا ہے محمدؔ کے پسر پر

کمروں کو کسو، گلشن جنت کے سفر پر

آمادۂ شر لشکر کفار ہے کل سے

ہونا ہے تمہیں آج، ہم آغوش اجل سے

در پیش ہے جنگ و جدل اس فوج کے دَل سے

آقا بھی کوئی دم میں نکلتے ہیں محل سے

ہاں صف شکنو وقت ہے نصرت کی دعا کا

کھلتا ہے پھریرا علم فوج خدا کا

ہم لوگ اسی روز کے مشتاق ہیں، کب سے

اب ہوگی ملاقات شہنشاہ عرب سے

سیدانیاں تم سب کو دعا دیتی ہیں شب سے

صف باندھ کے آؤ، درِ دولت پہ ادب سے

فردوس میں نانا سے حضور آج ملیں گے

کوثر پہ تمہیں خلعت نور آج ملیں گے

اس مژدہ کو سنتے ہی مسلح ہوئے غازی

اصطبل سے آنے لگے جراروں کے تازی

شیر صف جنگاہ تھا، ایک ایک نمازی

نعرے تھے کہ قربان شہنشاہ حجازی

ڈیوڑھی پہ شگفتہ تھا چمن خلد بریں کا

خیمہ میں تلاطم تھا وداع شہ دیں کا

تھے گرد حرم بیچ میں وہ عاشق حق تھا

مانند سحر رنگ ہر اک بی بی کا فق تھا

بانوے دو عالم کا جگر سینے میں شق تھا

زینب یہ تڑپتی تھی کہ حضرت کو قلق تھا

شبیرؔ کے پہلو سے نہ ہٹتی تھی سکینہؔ

بڑھتے تھے تو دامن سے لپٹتی تھی سکینہؔ

شہ کہتے تھے بی بی ہمیں اب جانے دو گھر سے

سینہ مرا شق ہوتا ہے، لپٹو نہ پدر سے

وہ کہتی تھی سایہ جو یہ اٹھ جائے گا سر سے

ہے ہے میں تمہیں ڈھونڈ کے لاؤں گی کدھر سے

بیٹی کا سوا آپ کے کوئی نہیں بابا

شب بھر میں اسی خوف سے سوئی نہیں بابا

سمجھاتے تھے حضرت کہ میں صدقے مری پیاری

میداں سے ابھی آئیں گے ہم تو کئی باری

وہ کہتی تھی میں آپ کی مظلومی کی واری

ساماں نظر آتا ہے یتیمی کا ہماری

در پیش لڑائی نہیں گر فوج شقی سے

کیوں آپ سفارش مری کرتے تھے پھوپھی سے

اب آپ کے جانے سے تو ثابت ہے نہ آنا

کیوں کہتے تھے زینب اسے چھاتی سے سلانا

بانو مرے پیچھے، نہ سکینہ کو رلانا

پانی جو میسر ہو تو پیاس اس کی بجھانا

بہلائیو جب رو کے مجھے یاد کرے گی

تڑپوں گا لحد میں جو یہ فریاد کرے گی

میں سنتی تھی عابدؔ سے جو کچھ کی تھی وصیت

اس گھر کی تباہی کی خبر دیتے تھے حضرت

ہے ہے یہ مری عمر یہ صدمہ یہ مصیبت

لے لو مجھے ہمراہ، گوارہ نہیں فرقت

ساتھ آپ کے جاؤں گی جو اس دار محن سے

کوئی مری گردن تو نہ باندھے گا رسن سے

نادان کی ان باتوں پہ گھر روتا تھا سارا

ماتم میں کسی دل کو نہ تھا، صبر کا یارا

حضرت کو بھی فرقت تھی نہ بیٹی کی گوارا

ڈیوڑھی تک اسے گود سے اپنی نہ اتارا

جس دم وہ چھٹی، جیتے ہی جی مرگئے شپیرؔ

کس درد سے روتے ہوئے باہر گئے شپیرؔ

جس دم در دولت پہ امیر امم آیا

پیٹے یہ حرم گھر میں کہ ہونٹوں پہ دم آیا

تسلیم کو اسلام کا، لشکر بہم آیا

کس صولت و اقبال و حشم سے علم آیا

جاتی تھی لچکنے میں ضیا عرش تک اس کی

خورشید کو پنجہ میں لئے تھی چمک اس کی

آپس میں یہ کہتے تھے رفیقان دلاور

دیکھیں یہ ہُما سایہ فگن ہوتا ہے کس پر

اکبرؔ کے تو ہے نام پہ سالاریٔ لشکر

عباسؔ کو دیں گے شہ دیں منصب جعفرؔ

اِک عشق ہے اس شیر سے سلطان امم کو

بھائی کو کبھی دیکھتے ہیں، گاہ علَم کو

زینبؔ کے پسر مشورہ یہ کرتے تھے باہم

کیوں بھائی علَم لینے کو ماموں سے کہیں ہم

تائید خدا چاہئے گو عمر میں ہیں کم

عہدہ تو ہمارا ہے یہ آگاہ ہے عالم

واقف ہیں سبھی حیدرؔ و جعفرؔ کے شرف سے

حق پوچھو تو حقدار ہیں ہم دونوں طرف سے

دادا بھی علمدار ہے، نانا بھی علم دار

ہم اپنے بزرگوں کے ہیں، منصب کے طلب گار

کہتا تھا بڑا عرض کا موقع نہیں زنہار

ہیں بادشہ کون و مکاں مالک و مختار

عہدہ تو بڑا یہ ہے کہ ماموں پہ فدا ہوں

چپکے رہو، اماں نہ کہیں سن کے خفا ہوں

مطلب نہ علم سے نہ حشم سے ہمیں کچھ کام

مٹ جائیں نشاں، بس یہی عہدہ ہے یہی نام

یہ سر ہوں نثار قدم شاہ خوش انجام

عزت رہے بھائی، یہ دعا ہے سحرو شام

آقا جسے چاہیں علم فوج خدا دیں

مشتاق اجل ہیں ہمیں مرنے کی رضا دیں

روتی تھی جو پردے کے قریں زینبؔ دلگیر

سب اس نے مفصل یہ سنی بیٹوں کی تقریر

فضہؔ سے یہ کہنے لگی، وہ صاحب توقیر

دونوں کو اشارے سے بلا لے کسی تدبیر

کچھ کہنا ہے سن لیں اسے فرصت انہیں گر ہو

عباسؔ نہ دیکھیں نہ شہ دیں کو خبر ہو

یہ کہتی تھی زینبؔ کہ خود آئے وہ نکو کار

چھوٹے سے یہ فرمانے لگیں زینبؔ ناچار

کیا باتیں ابھی بھائی سے تھیں، اے مرے دلدار

اس وقت میں ہو کون سے منصب کے طلب گار

سمجھے نہ کہ مادر عقب پردہ کھڑی ہے

گھر لٹتا ہے میرا، تمہیں منصب کی پڑی ہے

اللہ بڑا عزم کیا، باندھ کے تلوار

بچو! تمہیں ایسا نہ سمجھتی تھی میں زنہار

دیکھو ابھی تم دونوں سے ہو جاؤں گی بے زار

کچھ کہیو نہ ماموں سے خبردار! خبردار

کیا دخل تمہیں امر میں سلطان امم کے

دیکھوں گی نہ پھر منہ، جو گئے پاس علم کے

کچھ اور ہی تیور ہیں علم نکلا ہے جب سے

تم کون ہو جو آگے بڑھے جاتے ہو سب سے

استادہ ہو، جا کر عقب شاہ، ادب سے

عہدہ ہے یہ جس کا مجھے معلوم ہے شب سے

اس امر میں خاطر نہ کریں، اور کسی کی

میں خوش ہوں بجا لائیں وصیت کو علیؔ کی

دو روز سے بھائی پہ مرے ظلم و ستم ہے

تم فکر علم میں ہو مجھے سخت الم ہے

چھوٹے سے ہیں قد، سِن بھی تمہارا ابھی کم ہے

کھیل اس کو نہ سمجھو یہ محمدؔ کا علم ہے

ہرگز نہ ابھی کچھ شہِ ذی جاہ سے کہنا

کہنا بھی تو رخصت کے لئے شاہ سے کہنا

مانا کہ پہونچتا ہے تمہیں منصب جعفرؔ

آقا کی غلامی سے ہے عہدہ کوئی بڑھ کر

چھوٹا مرا بھائی بھی ہے، بیٹوں کے برابر

عاشق کا تو عاشق ہے، برادر کا برادر

بگڑوں گی گلہ گر کوئی اسلوب کرو گے

عباس سے کیا تم مجھے ممجوب کرو گے

زینبؔ نے عتابانہ جو کی ان سے یہ گفتار

یوں کہنے لگے، جوڑ کے ہاتھوں کو وہ دلدار

شاہوں سے غلاموں نے بھی کی ہے، کبھی تکرار

مالک ہیں جسے چاہیں علم دیں، شہ ابرار

رخصت کے لئے تیغ و سپر باندھے ہوئے ہیں

ہم صبح سے مرنے پہ کمر باندھے ہوئے ہیں

زینبؔ نے کہا لے کے بلائیں کہ سدھارو

بس اب مرا دل شاد ہوا اے مرے پیارو

ماں صدقے گئی، سر قدم شاہ پہ وارو

ہو عید مجھے گر عمرؔ و شمرؔ کو مارو

یہ وقت ہے امداد امام ازلی کا

دے چھوٹے سے ہاتھوں میں خدا زور علیؔ کا

صدقے گئی سن لو کہ میں کہتی ہوں جتا کر

تم پہلے فدا کیجیو سر شہ کے قدم پر

میدان میں زخمی ہوئے گر قاسمؔ و اکبرؔ

پھر تم مرے فرزند نہ میں دونوں کی مادر

جب دل ہوا ناراض تو فرزند کہاں کے

کس کام کا وہ لعل جو کام آئے نہ ماں کے

ان میں سے اگر رن کی طرف ایک سدھارا

زہراؔ کی قسم منہ نہ میں دیکھوں گی تمہارا

جس وقت سنوں گی کہ سر ان دونوں نے وارا

اس وقت تمہیں ہوگا مرا دودھ گوارا

بے جاں ہوئے بعد ان کے، تو ماتم نہ کروں گی

دیکھو جو مروں گی بھی تو ناراض مروں گی

ہیں دونوں بھتیجے، مرے پیارے مرے محبوب

تم ان پہ تصدق ہو، یہی ہے مجھے مطلوب

جینا نہیں بہتر کسی صورت، کسی اسلوب

بے سر دیے دودھ اپنا میں بخشوں تمہیں، کیا خوب

ایذا جو اٹھاؤ گے تو راحت بھی ملے گی

جب آئیں گی لاشیں تو یہ دولت بھی ملے گی

دیکھو کہے دیتی ہوں خبردار! خبردار

جیتے جو رہے دودھ نہ بخشوں گی میں زنہار

شیروں کے یہ ہیں کام کھنچے جس گھڑی تلوار

رکھ دیویں گلا بڑھ کے، تہِ خنجرِ خوں خوار

توڑی ہیں صفیں جنگ میں جب کھیت پڑے ہیں

جنات کے لشکر سے علیؔ یوں ہی لڑے ہیں

اعدا کو مرے دودھ کی تاثیر دکھاؤ

اجلالِ حسن شوکتِ شبیر دکھاؤ

جعفرؔ کی طرح جوہرِ شمشیر دکھاؤ

تن تن کے ید اللہ کی تصویر دکھاؤ

خورشیدِ امامت سے قرابت میں قریں ہو

تم شیر ہو شیروں کے حسینوں کے حسیں ہو

جعفر سے نمودار کے دلبر ہو دلیرو

حیدر سے دلاور کے دلاور ہو دلیرو

جرار ہو، کرار ہو، صفدر ہو دلیرو

ضرغام ہو، ضیغم ہو، غضنفر ہو دلیرو

تیروں سے جوانوں کے جگر توڑ کے آؤ

خیبر کی طرح کوفے کا در توڑ کے آؤ

خندق کی لڑائی کی طرح جنگ کو جھیلو

بچے اسد اللہ کے ہو، جان پہ کھیلو

تیغوں میں دھنسو، چھاتیوں سے نیزوں کو ریلو

کوفے کو تہِ تیغ کرو، شام کو لے لو

دو اور جلا آئینۂ تیغِ عرب کو

لو روم کو قبضے میں تو قابو میں حلب ہے

خاقاںؔ کا رہا تخت نہ قیصرؔ کا رہا تاج

ہاں غازیو! چین و حبش و زنگ سے لو باج

چڑھنا ہے لڑائی پہ جواں مردوں کو معراج

گیتی تہ و بالا ہو وہ تلوار چلے آج

یوں آئیو چار آئینہ پہنے ہوئے بر میں

جس طرح علیؔ بعد ظفرؔ آتے تھے گھر میں

میلے نہ ہوں تیور، یہ سپاہی کے ہنر ہیں

جس کے ہیں، بس اس کے ہیں، جدھر ہیں بس ادھر ہیں

گہ عطر میں ڈوبے ہیں، گہے خون میں تر ہیں

صحبت میں مصاحب ہیں، لڑائی میں سپر ہیں

وہ اور کسی سے نہ جھکیں گے نہ جھکے ہیں

عزت میں نہ فرق آئے کہ سر بیچ چکے ہیں

یہ سن کے جو نکلے وہ جری خیمے سے باہر

کس پیار سے منہ دونوں کا تکنے لگے سرور

اکبرؔ نے یہ کی عرض کہ اے سبطِ پیمبر

تیار ہے سب قبلۂ کونین کا لشکر

جلدی ہے لڑائی کی ادھر فوجِ ستم کو

ارشاد جسے ہو وہ بڑھے لے کے علم کو

شہ بولے کہ عباسِؔ دلاور کو بلاؤ

پیارے مرے محبوب برادر کو بلاؤ

عاشق کو مددگار کو یاور کو بلاؤ

جلدی مرے حمزہؔ مرے جعفرؔ کو بلاؤ

یہ اوج، یہ رتبہ، یہ حشم اس کے لئے ہے

زیب اس سے علم کی ہے، علم اس کے لئے ہے

سب تکنے لگے صورتِ عباس فلک جاہ

نازاں ہوا خود اوج پہ اپنے علمِ شاہ

یعنی مرا عامل ہے نشانِ اسد اللہ

بالیدہ تھا پرچم، تو پھریرا تھا ہوا خواہ

جان آ گئی تھی سنتے ہی اس خوشخبری کو

پنجہ بھی اشارے سے بلاتا تھا جری کو

خوش ہو کے یہ عمّو کو پکارے علیؔ اکبر

جلد آیئے یاد آپ کو فرماتے ہیں سرور

حاضر ہوا جوڑے ہوئے ہاتھوں کو ہو صفدر

ارشاد کیا شہ نے علم بھائی کو دے کر

رکھیے اسے کاندھے پہ، یہ ہے آپ کا عہدہ

لو بھائی مبارک ہو تمہیں باپ کا عہدہ

بوسہ دیا عباسِؔ دلاور نے علم پر

تسلیم کی اور رکھ دیا سر شہ کے قدم پر

کی عرض کہ قربان اس الطاف و کرم پر

سو سر ہوں تو صدقے میں شہنشاہِ امم پر

ادنیٰ جو ابھی تھا اسے اعلیٰ کیا مولا

قطرے کو ترے فیض نے دریا کیا مولا

اس چترِ فلک قدر کا سایہ مرے سر پر

اس دھوپ میں ہوگا، پہ پھریرا مرے سرپر

یہ ابر مِرے سر پہ، یہ طوبیٰ مرے سر پر

قائم رہیں لاکھوں برس آقا مرے سر پر

سلطانِ دو عالم کی غلامی کے صلے ہیں

سب اوج یہ نعلین اٹھانے سے ملے ہیں

حضرت نے کہا رو کے یہ کیا کہتے ہو پیارے

حاضر ہے اگر جان بھی کام آئے تمہارے

حصہ یہ تمہارا تھا سو پہونچا تمہیں بارے

مالک ہو تمہیں، ہم تو ہیں اب گور کنارے

تھا دل میں جو کچھ وہ بخدا ہو نہیں سکتا

بھائی ترا حق مجھ سے ادا ہو نہیں سکتا

یہ کہہ کے بڑھے سرورِ دیں جانبِ توسن

ہتیار لگائے ہوئے، پہنے ہوئے جوشن

اسوار ہوئے آپ، جو گردان کے دامن

اللہ رے ضیا، خانۂ زیں ہو گیا روشن

وہ پاؤں رکابوں کے لئے باعثِ ضو تھے

خورشید کے قدموں کے تلے دو مہِ نو تھے

رانوں کے اشارے سے لگا کوندنے، شبدیز

اسوار کے دل کا تھا اشارہ اسے مہمیز

گرما کے جو شبیرؔ نے تازی کو کیا تیز

اعدا پہ چلا غول سواروں کا، جلو ریز

ایک ایک جوانِ عربی، رشکِ ملک تھا

اللہ کے لشکر کا علم، سر بہ فلک تھا

کیا فیضِ سواری تھا کہ زر ریز تھی سب راہ

طالع تھا ادھر مہر، ادھر تھا علم شاہ

مابین دو خورشید تھی، فوجِ شہِ ذی جاہ

پنجے پہ تجلی تھی، کہ اللہ ہی اللہ

بالا تھی چمک، مہرِ منور کی چمک پر

ضو اس کی زمیں پر تھی، ضیا اس کی فلک پر

ایک ایک جواں، زیورِ جنگی کو سنوارے

نیزوں کی چمک اور وہ سمندر کے طرارے

جعفرؔ کے جگر بند، ید اللہ کے پیارے

رستم سے ہر اک جنگ کرے شیر کو مارے

سیاف ہو مرحبؔ سا، تو شمشیر سے ماریں

ارجنؔ سے کماندار کو، اک تیر سے ماریں

کم سن کئی لڑکوں کا جدا غول تھا سب سے

سوئے بھی نہ تھے، ولولۂ جنگ میں ، شب سے

رو کے ہوئے باگوں کو، شہِ دیں کے ادب سے

اعدا کی طرف دیکھتے تھے، چشمِ غضب سے

ہتھیار جو باندھے تھے تو کیا تن پہ کُھلے تھے

سب نیمچے تولے ہوئے مرنے پہ تُلے تھے

وہ چاند سا منہ، اور وہ گورے بدن، ان کے

شرمندہ ہو غنچے بھی، وہ نازک دہن ان کے

یوسف کی طرح عطر فشاں پیرہن ان کے

مرکر وہی کپڑے ہوئے آخر کفن ان کے

کیا حسنِ عقیدت تھا عجب دل کے جواں تھے

آقا پہ فِدا ہونے کو سب ایک زباں تھے

عمریں تو کم و بیش، یہ سب گیسوؤں والے

اِک غول میں تھے چاند کئی اور کئی ہالے

ذی مرتبہ سیدانیوں کو گود کے پالے

غنچہ تھا وہ سب، اکبرِؔ گل رو کے حوالے

ان تازہ نہالوں میں نمودار یہی تھے

اس گلشنِ یک رنگ کے مختار یہی تھے

مقتل کو جو پر نور کیا، عسکرِ دیں نے

دیکھا طرفِ چرخ، حقارت سے زمیں نے

اونچا نہ کیا سر فلکِ ماہِ جبیں نے

کی فرش پہ حسرت سے نظر عرشِ بریں نے

اٹھ اٹھ کے چمک اپنی دکھانے لگے ذرے

خورشید کے پہلو کو دبانے لگے ذرے

کھولا جو پھریرے کو علمدار جری نے

لوٹے گلِ فردوس، نسیم سحری نے

تاروں کو اتارا، فلکِ نیلوفری نے

پرچم جو کھلا کھول دیے بال پری نے

عیسی نے پکارا کہ نثار اس کے چشم کے

خورشید نے منہ رکھ دیا پنجے پہ علم کے

ترتیبِ صفِ فوج کا جس دم ہوا اعلام

باندھی علیؔ اکبر نے صفِ لشکرِ اسلام

ظاہر جو ہوئی شانِ جوانانِ گل اندام

کوفے کے نشاں جھک گئے، کانپی سپہِ شام

اللہ رے شوکت شرفا و نجبا کی

اسلام کا لشکر تھا کہ قدرت بھی خدا کی

ناگاہ بجا طبل، بڑھا لشکرِ سفاک

تا چرخ گیا، غلغلۂ کوسِ شغب ناک

فریاد سے قرنا کی ہلا گنبد افلاک

تھرا گیا آوازِ دہل سے کرۂ خاک

نوبت تھی زبس قتلِ امامِ مدنی کی

صاف آتی تھی تاشوں سے صدا سینہ زنی کی

واں شور تھا باجوں کا ادھر نعرۂ تکبیر

ایک ایک جری جھومتا تھا تول کے شمشیر

نگاہ سوئے فوجِ خدا آنے لگے تیر

عباسؔ علمبدار نے دیکھا رخِ شبیر

کی عرض کہ لڑنے کو شریر آتے ہیں مولا

کیا حکم ہے اب پیاسوں پہ تیر آتے ہیں مولا

شہ نے کہا شرم آتی ہے کیا حکم میں دوں آہ

ہفتادِ دو تن یاں ہیں، ادھر سیکڑوں گمراہ

غازی نے یہ کی عرض کہ اے گل کے شہنشاہ

یہ شیر نیستانِ علیؔ ہیں، تو وہ روبارہ

لاکھوں ہیں تو کیا ڈرہے شجاعانِ عرب کو

اقبال سے آقا کے بھگا دیتے ہیں سب کو

فرمایا کہ فاقے سے ہے، سارا مرا لشکر

پانی نہیں ملتا کہ لبِ خشک کریں تر

بہتر ہے اگر پہلے کٹے تن سے مرا سر

غازی نے کہا شیرِ گرسنہ ہیں، یہ صفدر

حملوں سے الٹ دیں گے پرے فوج عدو کے

بھوکے ہیں یہ زخموں کے، پیاسے ہیں لہو کے

حضرت نے کہا خیر! لڑو فوجِ ستم سے

معلوم ہے سب آج جدا ہوویں گے ہم سے

دنیا سے نہ مطلب ہے، نہ کچھ جاہ و حشم سے

کٹ جائے گا اپنا بھی گلا، تیعِ دو دم سے

مقبول ہیں وہ، جو مری امداد کریں گے

اس جنگ کو بھی لوگ، بہت یاد کریں گے

جس دم یہ سنی، قبلۂ کونین کی گفتار

جانباز بڑھے، فوج سے چلنے لگی تلوار

تھے پیاسوں کے حملے غضبِ حضرتِ قہار

چوٹی کے جواں بھاگ گئے پھینک کے تلوار

کون آنکھ ملا سکتا تھا، شیروں سے عرب کے

جب کرتے تھے نعرے قدم اٹھ جاتے تھے سب کے

لڑتا تھا غضب ایک کے بعد ایک وفادار

دن چڑھتا تھا یاں، گرم تھا واں موت کا بازار

سر بیچتے تھے، جنسِ شہادت کے طلبگار

بڑھ بڑھ کے خریدار پہ گرتا تھا خریدار

لیں پہلے، ہم ایک ایک کی جاں اس کی بڑی تھی

عقبیٰ کا جو سودا تھا تو قیمت بھی کڑی تھی

آیا جو عزیزوں کے لئے موت کا پیغام

فرزندوں نے جعفرؔ کے بڑے رن میں کئے کام

اولاد عقیل آ چکی شبیرؔ کے جب کام

لڑنے کو گئے مسلمِ بیکس کے گل اندام

تھا حشر بپا ندیاں بہتی تھیں لہو کی

بچوں نے الٹ دی تھیں صفیں فوجِ عدو کی

لشکر میں تلاطم تھا غضب چلتی تھی تلوار

بیتاب تھے یاں، زینبِ ناشاد کے دلدار

منہ دیکھ کے حضرت کا یہی کہتے تھے ہر بار

ہم جائیں گے بعد ان کے سوئے لشکرِ کفار

جی جائیں جو مولا ہمیں مرنے کی رضا دیں

ایسا نہ ہو قاسمؔ کو حضور اذنِ وِغا دیں

کچھ ان سے کہا چاہتے تھے سرورِ ذی شان

جو غل ہوا مارے گئے مسلمؔ کے دل و جان

لاشے بھی ادھر آ چکے، جب خون میں غلطاں

پھر ہاتھوں کو جوڑا کہ ملے رخصت میداں

شہ نے کہا یہ داغ تو دشوار ہے ہم پر

ان دونوں نے سر رکھ دیے ماموں کے قدم پر

حضرت نے کہا ماں سے بھی ہو آئے ہو رخصت

کیا کہتے ہو لٹوا دوں میں ہمشیر کی دولت

مایہ ہو تمہیں اس کا، تمہیں اس کی بضاعت

چھوٹے نے یہ حضرت سے کہا تھام کے رقت

جھوٹے نہیں ہم، آپ ابھی پوچھ لیں سب سے

اماں تو رضا دے چکی ہیں، مرنے کی شب سے

بچوں نے جو کی جوڑ کے ہاتھوں کو یہ تقریر

ان دونوں کا منہ دیکھ کے رونے لگے شبیرؔ

فرمایا چھڑاتا ہے، تمہیں بھی فلکِ پیر

اچھا میں رضا مند ہوں، جو مرضئِ ہمشیر

وہ سیدۂ پاک نواسی ہے نبی کی

فیاض کی ہمشیر ہے، بیٹی ہے سخی کی

یہ سن کے جھکے آخری تسلیم کو ذی جاہ

خورشید کے آگے مہ نو بن گئے دو ماہ

کی سوئے فلک دیکھ کے شبیرؔ نے اک جاہ

دو شیر چلے گھوڑوں پر چڑھ کر سوئے جنگاہ

ماں ڈیوڑھی سے چلائی کہ رخصت ہو مبارک

سرکارِ شہنشاہ سے، خلعت ہو مبارک

سلطانِ دو عالم نے مخلع کیا واری

تم جاتے ہو یا جاتی ہے دولہا کی سواری

پروان چڑھے، ختم ہوئیں شادیاں ساری

لو دور سے لیتی ہوں بلائیں، تمہاری

صدقے گئی نیزوں کو ہلاتے ہوئے جاؤ

شکلیں مجھے پھر پھر کے دکھاتے ہوئے جاؤ

تسلیم کو گھوڑوں سے جھکے، دونوں وہ گل رو

دل ماں کا یہ امڈا کہ ٹپکنے لگے آنسو

باگیں جو اٹھائیں تو فرس بن گئے، آہو

پھر دیکھنے پائی نہ انہیں زینبِ خوش خو

میداں کی طرف یاس سے ماں رہ گئی تک کر

پنہاں ہوئے بدلی میں ستارے سے چمک کر

میداں میں عجب شان سے وہ شیرِ نر آئے

گویا کہ بہم حیدرؔ و جعفرؔ نظر آئے

غل پر گیا حضرت کی بہن کے پسر آئے

افلاک سے بالائے زمیں دو قمر آئے

یوسف سے فزوں حسن گرانمایہ ہے ان کا

یہ دھوپ بیاباں میں نہیں، سایہ ہے ان کا

وہ چاند سے منہ، اور وہ گیسوئے معنبر

وہ بدر سے رخسار، زہے قدرتِ داور

سب شان یداللہ کی، سب شوکتِ حیدرؔ

چتون وہی، غصہ وہی، سارے وہی تیور

یہ دبدبہ کس صاحبِ شمشیر نے دیکھا

دیکھا جسے، معلوم ہوا شیر نے دیکھا

تن تن کے جو شان اپنی دکھاتے تھے وہ ذی جاہ

چھاتی سے لگا لیتے تھے دونوں کو ید اللہ

شمشاد سے قامت، نہ دراز اور نہ کوتاہ

کھیلے ہوئے تیغوں میں فنِ جنگ سے آگاہ

ناخن سے دلیروں کے سب اندازِ وِغا تھے

بچے تھے مگر بچۂ ضرغامِ خدا تھے

تھے حسن میں ان دونوں کے آئینہ رو ایک

پیشانی و ابرو و سر و صدر و گلو ایک

شان ایک، شکوہ ایک، جو رنگ ایک، تو بو ایک

دل ایک، جگر ایک، جسد ایک، لہو ایک

اور ان سا کوئی غرب سے تا شرق نہیں ہے

دو ٹکڑے ہیں اک سیب کے، کچھ فرق نہیں ہے

پڑھنے لگے اشعارِ رجز جب وہ دلاور

اللہ ری فصاحت فصحا ہو گئے ششدر

ہر بیت تھی دشمن کے لئے تیغِ دو پیکر

ہر مصرع برجستہ میں تھی تیزئِ خنجر

دے کون جواب ان کا کہ دم بند تھا سب کا

واں قافیہ تھا تنگ شجاعانِ عرب کا

اظہارِ نسب میں جو محمدؔ کا لیا نام

سب پڑھنے لگے صلِ علیٰ صاحبِ اسلام

آگے جو بڑھے نامِ علیؔ کے کے وہ گلفام

دل ہِل گئے تھرانے لگا روم سے تا شام

جعفرؔ کا جو کچھ ذکر کیا بعد علیؔ کے

مجرے کو علم جھک گئے سب فوجِ شقی کے

آغاز تھا ذکرِ شرفِ حضرتِ شبیرؔ

ڈنکے پہ ادھر چوٹ لگی، چلنے لگے تیر

اس وقت بڑے بھائی نے کی چھوٹے سے تقریر

تلوار علم کیجئے اب کس لئے تاخیر

کہتے تو جدا ہو کے ستمگاروں پہ جائیں

اسواروں میں ہم، آپ کمانداروں پہ جائیں

فرمایا بڑے بھائی نے ہنس کر، نہیں بھائی

تم جان ہو، دشوار ہے دم بھر کی جدائی

ہو جاتی ہے اِک آن میں، ہر صف کی صفائی

کر دیتے ہیں سر، کون سی ایسی ہے لڑائی

بازو ہوں قوی، ہاتھ سے گر ہاتھ نہ چھوٹے

سر تن سے اتر جائے، مگر ساتھ نہ چھوٹے

نانا کی طرح، فوج پہ حملے کریں، آؤ

تلواروں میں تن تن کے چلو، برچھیاں کھاؤ

ان چھوٹے سے ہاتھوں کا ہمیں، زور دکھاؤ

ہم سینہ سپر تم پہ ہوں، تم ہم کو بچاؤ

ہم شیروں پہ رستم کا بھی منہ پڑ نہ سکے گا

جب دو ہوئے اک دل تو کوئی لڑ نہ سکے گا

چھوٹے نے کہا جوڑ کے ہاتھوں کو کہ، بہتر

بس کھینچ لئے نیمچے، دونوں نے برابر

دو بجلیاں کوندیں کہ لرزنے لگے لشکر

نیزوں کے نیستاں میںِ در آئے وہ غضنفر

برباد کیا رو میں سواروں کو دبا کے

رہوار بھی اسوار تھے گھوڑوں پہ ہوا کے

ان چھوٹی سی تلواروں کے تھے کاٹ نرالے

تھیں کہنیاں پہونچوں سے جدا، ہاتھوں سے بھالے

مسل اپنی جمائے تھے جو بے مثل رسالے

تھے جائزہ ان سب کا یہی دیکھنے والے

ناز اپنے ہنر پر تھا شجاعان عرب کو

نیزوں کو قلم کر کے ندارد کیا سب کو

موت آئی اُدھر، نیمچے دونوں جدھر آئے

جب ہاتھ بڑھا، پاؤں پہ کٹ کٹ کے سر آئے

گر سینے تک آئے تو، کبھی تا کمر آئے

خالی نہ پھرے، جس پہ گئے، خوں میں بھر آئے

ہر نیمچہ، بجلی تھا ستمگاروں کے حق میں

ڈوبے ہوئے تھے دو مہِ نو، خوں کی شفق میں

اٹھتی تھی نہ ڈر سے کسی خوں خوار کی گردن

سر خود کا جھک جاتا تھا، تلوار کی گردن

دو چار کے منہ کٹ گئے، دو چار کی گردن

اسوار کا سر اڑ گیا، رہوار کی گردن

دو نیمچے بجلی سے گزرتے تھے کمر سے

آدھے ہوئے جاتے تھے لعیں جان کے ڈر سے

دو چھوٹی سی تیغوں سے قیامت نظر آئی

معصوموں کے ہاتھوں سے کرامت نظر آئی

سر کٹنے کی، اعدا کے علامت نظر آئی

لو ہے کی سپر بھی نہ سلامت نظر آئی

بے وجہ نہ پھر جاتے تھے منہ اہلِ جفا کے

دریا کے تھپیڑے تھے، طمانچے تھے قضا کے

گردن سے بڑھے کاٹ کے پیکر نکل آئے

جوشن کو دکھاتے ہوئے جوہر نکل آئے

چار آئینہ میں تیر کے باہر نکل آئے

صابون سے دو تار برابر نکل آئے

محراب کے نیچے کسے جھکتے نہیں دیکھا

مچھلی کو بندھے پانی میں رکتے نہیں دیکھا

ہر غول میں غلطاں و تپاں تھے سرو پیکر

دستانے کہیں تھے، کہیں ڈھالیں، کہیں مغفر

جب نیمچے ان دونوں کے اٹھتے تھے برابر

منہ خوف سے ڈھالوں میں چھپاتے تھے ستم گر

روکے انہیں، طاقت یہ نہ تھی پیر و جواں کی

صورت نظر آنے لگی تیغِ دو زباں کی

غارت تھی وہ صف جس سے وِغا کرکے پھرے وہ

دو ہاتھ میں سو سو کو فنا کرکے پھرے وہ

سرداروں کے سر تن سے جدا کرکے پھرے وہ

ہر غول میں اک حشر بپا کرکے پھرے وہ

غل تھا کہ پرے ٹوٹے ہوئے جم نہیں سکتے

سر کٹنے کی دہشت سے قدم تھم نہیں سکتے

گھوڑے تھے چھلاوا، کبھی یاں تھے کبھی واں تھے

پتلی میں تو پھرتے تھے، پر آنکھوں سے نہاں تھے

یاں تھے جو سبک رو تو ادھر گرم عناں تھے

بجلی تھے کسی جا تو کہیں آبِ رواں تھے

ہو سکتی تھی بجلی سے یہ سرعت نہ ہرن سے

جھونکے تھے ہوا کے کہ نکل جاتے تھے سَن سے

بے آب تھے دو دن سے یہ جاندار تھے گھوڑے

ہر مرتبہ اڑ جانے پہ تیار تھے گھوڑے

اس پار کبھی تھے، کبھی اس پار تھے گھوڑے

نقطہ تھے وہ سب فوج کی پرکار تھے گھوڑے

دس بیس جو مر جاتے تھے ٹاپوں سے کچل کر

بڑھ سکتا نہ تھا اِک بھی احاطہ سے اجل کے

تانے ہوئے سینوں کو جدھر جاتے تھے دونوں

تلواروں کی موجوں سے گزر جاتے تھے، دونوں

ہر غول میں بے خوف و خطر جاتے تھے، دونوں

سب ہوتے تھے پسپا تو ٹھہر جاتے تھے، دونوں

الٹی ہوئی صف دیکھ کے ہنس دیتا تھا بھائی

بھائی کی طرف دیکھ کے ہنس دیتا تھا بھائی

دم لے کے جو گھوڑوں کو اڑاتے تھے وہ جرار

اعدا کے رسالوں کو بھگاتے تھے وہ جرار

شیروں کی طرح فوج پہ جاتے تھے وہ جرار

دو کرتے تھے یکتا، جسے پاتے تھے وہ جرار

شیروں نے جو مارا بھی تو رو داروں کو مارا

جب آنکھ ملی چن کے نموداروں کو مارا

جمعیتِ لشکر کو پریشاں کیا، دم میں

جو فوج کی جاں تھے، انہیں بے جاں کیا دم میں

تلواروں سے جنگل کو، گلستاں کیا دم میں

سر کاٹ کے خونخواروں کو غلطاں کیا دم میں

بے دست تھے علموں کو، جو بے دین لیے تھے

بچوں نے جوانوں کے نشاں چھین لئے تھے

دو لاکھ کو دونوں نے کیا تھا تہ و بالا

تیغ ایک کی چلتی تھی، تو اِک بھائی کا بھالا

اِک بڑھ گیا گر ایک نے گھوڑے کو نکالا

دم اس نے لیا، اس نے لڑائی کو سنبھالا

یک جا فرسِ تیز قدم ہو گئے دونوں

جب بھیڑ بڑھی کچھ تو بہم ہو گئے دونوں

وہ چھیڑ کے تازی کو سواروں میں در آیا

دم بھر میں پیادوں کو پامال کر آیا

جب شیر سا پہونچا وہ ادھر، یہ ادھر آیا

جاں آ گئی بھائی کو جو بھائی نظر آیا

بچ بچ کے نکلتے تھے جو نیزوں کے تلے سے

اِک بھائی لپٹ جاتا تھا بھائی کے گلے سے

کچھ بھائی سے بڑھ کر جو وِغا کرتا تھا بھائی

بچ جانے کی بھائی کے دعا کرتا تھا بھائی

حق بھائی کی الفت کا ادا کرتا تھا بھائی

ہر وار پہ بھائی کی ثنا کرتا تھا بھائی

تم سا نہیں صفدر کوئی واللہ برادر

کیا خوب لڑے سلمک اللہ برادر

کہتا تھا بڑے بھائی سے چھوٹا بصد آداب

بھائی میں بھگا دوں ابھی ان کو، جو ملے آب

اب پیاس کی گرمی سے کلیجے کو نہیں تاب

سینے میں مرا دل نہیں، آتش پہ ہے سیماب

ہم لوگ محق کیا نہیں اس آبِ رواں کے

تالو میں خلش ہوتی ہے کانٹوں سے زباں کے

کہتا تھا بڑا بھائی میں صدقے ترے گلفام

ہم خشک زبانوں کو، بھلا پانی سے کیا کام

اب جلد اجل آئے تو کوثر کا پئیں جام

غش ہم کو بھی آ جائے گا، پانی کا نہ لو نام

آنکھیں تو ستمگاروں کی تیغوں سے لڑی ہیں

چپکے رہو اماں درِ خیمہ پہ کھڑی ہیں

اس نہر کا لینا تو کچھ ایسا نہیں مشکل

روکیں ہمیں کیا تاب لعینوں کی ہے، کیا دل

پل باندھ لیں لاشوں کے ابھی ہم سرِ ساحل

بتلایئے، پھر نہر کے لے لینے سے حاصل

دیکھو نہ ادھر پیاس سے گو لاکھ تعب ہے

اماں ہمیں گر دودھ نہ بخشیں تو غضب ہے

اشک آنکھوں میں بھر کر، کہا چھوٹے نے بہت خوب

ہر دم ہے رضامندئ مادر ہمیں مطلوب

ایسے تو نہیں ہم کہ بزرگوں سے ہوں محجوب

منظور یہ تھا فخر کا، نکلے کوئی اسلوب

دریا کو بھی دیکھیں گے نہ اب آنکھ اٹھا کے

پیتے بھی تو پہلے شہِ والا کو پلا کے

جعفرؔ کے جو پوتے ہیں، تو حیدرؔ کے نواسے

کچھ ہم علیؔ اکبر سے زیادہ نہیں پیاسے

یہ کہتے ہی لڑنے لگے، پھر اہلِ جفا سے

فریاد کہ بچوں پہ گری فوج قفا سے

خوں سر کا بہا منہ پہ تو گھبرا گئے دونوں

دو لاکھ کی تیغوں کے تلے آ گئے دونوں

ڈوبے ہوئے تھے شام کے بادل میں وہ دو ماہ

پردے سے کھڑی تکتی تھی، زینبؔ سوئے جنگاہ

عباسؔ سے کہتے تھے تڑپ کر شہِ ذی جاہ

اب مجھ سے جدا ہوتے ہیں دو شیر مرے آہ

کیوں کر متحمل ہو دل اس رنج و محن کا

گھر لٹتا ہے بھائی مری نادار بہن کا

اس بی بی کے فاقوں کے ہیں پالے ہوئے یہ لال

دولت ہے یہی، اور یہی حشمت و اقبال

سات آٹھ برس کے ہیں ابھی کیا ہے سن و سال

سب ہاتھ ملیں گے جو یہ گل ہو گئے پامال

تازہ یہی دو پھول ہیں جعفرؔ کے چمن میں

مر جائے گا باپ ان کی خبر سن کے وطن میں

رو کر دمِ رخصت وہ یہی کہتے تھے ہر بار

میں شاہ کا خادم ہوں، یہ دونوں ہیں نمک خوار

آگاہ صعوباتِ سفر سے نہیں زنہار

اے دخترِ زہرا مرے بیٹوں سے خبردار

میں رکھ نہیں سکتا ہوں کہ ماموں پہ فدا ہیں

اب تو یہی دونوں مرے پیری کے عصا ہیں

شوہر کا تڑپنا اسے کچھ بھی نہ رہا یاد

ہے ہے مری الفت میں لٹی زینبؔ ناشاد

یوں بھائی پہ صدقے کوئی کرتا نہیں اولاد

ہم دیکھتے ہیں اور بہن ہوتی ہے برباد

روئے گی وہ بیٹوں کو تو سمجھائیں گے کیوں کر

منہ زینبِؔ دلگیر کو دکھلائیں گے کیوں کر

عباسؔ نے کی عرض، کلیجہ ہے دو پارا

ان کو تو کسی کی نہیں، امداد گوارا

زخمی ہوئے، نہ مجھ کو نہ اکبرؔ کو پکارا

جائے یہ غلام آپ جو فرمائیں اِشارا

حضرت کی قسم دے کے میں سمجھاؤں گا ان کو

مچلیں گے تو گودی میں اٹھا لاؤں گا ان کو

حضرت نے کہا صاحبِ غیرت ہیں، وہ دونوں

لختِ جگر شاہِ ولایت ہیں وہ دونوں

ضرغامِ نیستانِ شجاعت ہیں، وہ دونوں

واللہ بڑے صاحبِ ہمت ہیں وہ دونوں

دو لاکھ تو کیا ہیں جو کروروں میں گھریں گے

بے جان دیے، وہ نہ پھرے ہیں نہ پھریں گے

بڑھنے لگے میداں کی طرف قاسمِ ذی جاہ

اکبرؔ نے یہ کی عرض کہ میں جاتا ہوں یا شاہ

ہے دونوں کی فرقت کا، مجھے صدمۂ جانکاہ

لاکھوں میں ہیں تنہا پھوپھی اماں کے پسر، آہ

ریتی پہ کہیں گر نہ پڑیں برچھیاں کھا کر

میں ساتھ انہیں لے آتا ہوں اعدا کو بھگا کر

گھبرا کے درِ خیمہ سے زینبؔ یہ پکاری

سر ننگے میں نکلوں گی، جو تم جاؤ گے واری

اولاد مجھے تم سے زیادہ نہیں پیاری

بتلاؤ کہ میں ان کی ہوں عاشق کہ تمہاری

میداں کی طرف قاسمِؔ بے پر بھی نہ جائیں

تلواروں میں عباسِؔ دلاور بھی نہ جائیں

jab zulf ko khole hue lila-e-shab ai

pardes mein sadat pe, afat ajab ai

fariyad kunan ruh amir-e-arab ai

ghul tha ke shab-e-qatl-e-shah tishna lab ai

sadat ko kya kya gham-e-jankah dikhae

rat aisi musibat ki na allah dikhae

kaghaz pe likhe kya qalam is shab ki siyahi

hai char taraf jis ki siyahi se tabahi

murghan hua bar mein tapan, bahr mein mahi

turbat se nikal ae the mahbub-e-ilahi

fariyad ka tha shor rasulan salaf mein

yasrab mein tazalzul tha udasi thi najaf mein

sadme se hua rang-e-rukh mah ka kafur

akhtar bhi bane mardumak-e-dida-e-be nur

gham chha gaya, rahat dil-e-alam se hui dur

taswir alam ban gai jannat mein har ik hur

kahte the malak rat na howe gi ab aisi

taron ne bhi dekhi na thi tarik shab aisi

sham-e-tarab mahfil-e-alam thi jo khamosh

thi rat bhi shabbir ke matam mein siyah posh

kya gham tha ke shadi thi har ik dil ko faramosh

har chashm ko tha gham mein samundar ki tarah josh

muztar the ali ashkon se munh dhoti thi zahra

maqtal tha jahan shah ka, wan roti thi zahra

tha khana-e-gham khema-e-shahnasha wala

andhi ye pareshan thi ke dil tha tah-o-bala

mashal na thaharti thi, na shamon ka ujala

khema bhi andhere mein nazar ata tha kala

khak urti thi munh par, haram-e-sher-e-khuda ke

tha chin bajbin farsh bhi jhonkon se hawa ke

jangal ki hawa, aur darindon ki sadaen

tharrati thin bachchon ko chhupae hue maen

dharka tha ke dahshat se na jane kahin jaen

roti thi koi, aur koi parhti thi duaen

godon mein bhi rahat na zara pate the bachche

jab bolte the sher to dar jate the bachche

bachchon ke bilakne pe haram karte the zari

ghash ho gai thi bali sakina kai bari

chillati thi ro ro ke wo shabbir ki pyari

ya hazrat abbas chali jan hamari

afsos ke pani ka to qatra nahin ghar mein

aur ag lagi hai mire nanhe se jigar mein

thi sab se siwa, bint-e-ali, muztar-o-betab

faq ho gaya tha sham se munh surat-e-mahtab

mizhgan se rukh pak pe thi, barish-e-khun nab

talwar kaleje pe chale jab to kahan tab

ik karb tha bismil ki tarah jan-e-hazin par

uthti thi kabhi aur kabhi girti thi zamin par

kahti thi kabhi, aj payambar nahin hai hai

hal apna dikhaun kise haidar nahin hai hai

beti pe falak tuta hai, madar nahin hai hai

shabbir musibat mein the, shabar nahin hai hai

dekha na suna ye jo sitam aj hai logo

nazon ka pila pani ko mohtaj hai logo

dar pesh hai kal fauj samtgar se larai

yan thore se pyase hain, idhar sari khudai

be sar diye ran se na phirega mira bhai

ho jaegi haidar ke bhare ghar ki safai

is gham se sada ashkon se munh dhoti thin aman

kal din wo hai jis din ke liye roti thi aman

the dusre khema mein idhar sibt-e-payambar

darbar mein hazir the rafiqan-e-dilawar

ik pahlu mein qasim the aur ik pahlu mein akbar

akbar ke idhar lakht-e-dil-e-zinib muztar

shabbir mohabbat se sukhan karte the sab se

abbas ali samne baithe the adab se

sar garm the mar jane pe, sab shah ke ansar

abbas se ye kahta tha, wo kal ka madad gar

tum rahiyo zara khema-e-namus se hushyar

dar hai na kare be adabi lashkar-e-kuffar

be denon ko rahat miri manzur nahin hai

shab khun jo idhar se ho, to kuchh dur nahin hai

ye zikr abhi tha ke yakayak khabar ai

ai chand yad allah ke, shab dopahar ai

hazrat ko sitaron ki jo gardish nazar ai

dil yad-e-khuda karne laga, chashm bhar ai

farmaya bara ajr hai, bedari-e-shab ka

ai tishna labo waqt hai ye taat rab ka

ab umr bhi akhir hai, namazen bhi hain akhir

be tosha pahonachta nahin, manzil pe musafir

har waqt hai rab-e-do jahan hazir-o-nazir

ajr un ke muzaaf hain jo hain sabir-o-shakir

mushkil na kisi ranj ko samjhe na bala ko

banda wahi banda hai jo bhule na khuda ko

nam us ka rahe wird, safar ho ke hazar ho

maujud samajh le use jangal ho ke ghar ho

sajde hi kare dukh mein ke rahat mein basar ho

tasbih mein shab ho, to namazon mein sahar ho

ishq-e-gul tar zulm ke kharon mein na bhule

maashuq ko talwaron ki dharon mein na bhule

chume lab-e-sofar, jo sine pe lagen tir

dam ishq ka bharta rahe zer-e-dam shamshir

zakhmon ko ye samjhe, ke mila gulshan tauqir

takbir ka naara ho zaban par, dam-e-takbir

katne mein ragon ke na sada ah ki nikle

har rang mein bu ulfat allah ki nikle

shah ne sukhan maarifat-e-haq jo sunae

ashk ankhon mein har ashiq-e-sadiq ke bhar ae

kuchh pyas ka shikwa bhi zaban par nahin lae

sajjade wahin la ke dileron ne bichhae

takbiren huin lashkar allah-o-nabi mein

sab mahw hue yad janab-e-ahadi mein

tasbih kahin thi kahin sajde kahin zari

tha saut-e-husn se koi quran ka qari

karta tha koi arz ke ya hazrat-e-bari

ab subh ko izzat hai tire hath hamari

hurmat se sharik-e-shuhada kijiyo ya rab

tu hausla-e-sabr, ata kijiyo ya rab

ham hain tire mahbub ke pyare ke madadgar

marne ke liye ae hain ya chhor ke ghar bar

ye banda-e-be kis hai musibat mein giraftar

kar rahm ke hai zat tiri rahim-o-ghaffar

faqon ke sabab, jism ki taqat mein kami hai

tujh se talab quwwat-e-sabit qadami hai

be kis hain musafir hain, watan dur hai, ghar dur

haftam se hamen ghere hai ye lashkar maqhor

tiron se hun ghirbal ke teghon se badan chur

ahmad ke nawase se judai nahin manzur

phir munh kise dikhlaen jo sardar ko chhoren

kyun kar tire maqbul ki sarkar ko chhoren

mardon ke liye nang hai talwaron se larna

rahat ho ke iza, yahin jina, yahin marna

tu chahe to mushkil nahin kuchh sar se guzarna

ai kal ke madad gar, madad jang mein karna

faqon mein hazaron se wagha ho to maza hai

kuchh haq-e-namak ham se ada ho to maza hai

karte the munajat idhar yawar-o-ansar

parhte the namaz-e-shab idhar, sayyad abrar

thi niyyat tasbih batul-e-jigar afgar

awaz-e-buka kheme se ane lagi yak bar

akbar se ishara kiya mur kar, ke ye kya hai

ke arz-e-phuphi jan ke rone ki sada hai

yun to kai raton se wo hain muztar-o-betab

rahat ki na surat hai na aram ka asbab

ghash mein jo zara band hue, dida-e-pur ab

roti hui chaunki hain, abhi dekh ke kuchh khwab

naalain kahin, chadar pur nur kahin hai

is waqt se bismil ki tarah chain nahin hai

sab bebayan hain ro rahen bachchon ko liye pas

ek ek ko andesha hai, ek ek ko waswas

jo puchhta hai wajh to kahti hain basad yas

logo mujhe shabbir ke bachne ki nahin as

mango ye dua ghaib se be kis ki madad ho

sadqe karo mujh ko ke bala bhai ki rad ho

un ka to ye ahwal hai, aman ka ye alam

ashkon ki jhari ankhon se thamti na thi ik dam

asghar ki bhi hai fikr, sakina ka bhi hai gham

shash mah ka bachcha bhi hua jata hai be dam

godi mein uthaen use ya us ko sambhalen

do roz ke faqe mein wo kis kis ko sambhalen

ro ati hain abid ke sirhane kabhi ja kar

gahwara-e-asghar pe kabhi girti hain a kar

quran ki hawa deti hain ghash mein use pa kar

bahlati hain, beti ko kabhi ashk baha kar

wo kahti hai ta subh yun hi roungi aman

baba hi jab awenge to main soungi aman

batlao shah jin-o-bashar kyun nahin ate

ab rat bahut kam hai, pidar kyun nahin ate

azurda hain kuchh mujh se, idhar kyun nahin ate

kya aj wahin soenge, ghar kyun nahin ate

ab pyason ki fariyad bhi baba nahin sunte

hazrat mire rone ki sada kya nahin sunte

ro kar ali akbar ne jo ki shah se ye taqrir

parhte hue tasbih gae, hazrat shabbir

dekhi jo na thi der se wo chand si taswir

qadmon pe mohabbat se giri daur ke hamsher

betab jo paya bahut is tishna dahan ko

shabbir ne lipta liya chhati se bahan ko

farmaya bahan tum ne banaya hai ye kya hal

na sar pe asaba hai na chadar hai na rumal

matha hai bhara khak se bikhre hue hain bal

pito nahin, jita hai abhi fatima ka lal

dam tan se mira kat ke nikal jaega zinib

ro lijiyo jab rone ka waqt aega zinib

jita hun main aur ah abhi se ye talatum

ye karb ye dukh dard, ye zari ye tazallum

hote hain mire hosh-o-hawas ae hue gum

khanjar ke tale dekhogi kis tarah mujhe tum

bas sabr karo ji se guzar jaenge bachche

tarpogi tum is tarah to mar jaenge bachche

talwar kisi ne abhi toli nahin mujh par

sina abhi tiron se mushabbak nahin khwahar

gardan pe kisi ne abhi phera nahin khanjar

mar jaega bhai tumhen sabit hua kyun kar

har chand ke saat nahin talti hai qaza ki

bach jaun to kya dur hai qudrat se khuda ki

zinib ne kaha khush hun jo meri ajal ae

bhai tumhen allah is afat se bachae

khaliq mujhe abid ki yatimi na dikhae

bhai ki bala le ke bahan khalq se jae

waswas tabiat ko bahalne nahin deta

be chain hai dil mujh ko sambhalne nahin deta

ata hai sakina ki yatimi ka, mujhe dhyan

har waqt bhara ghar nazar a jata hai, wiran

samjhane se kuchh dil jo bahalta hai, main qurban

phir jata hai ankhon ke tale maut ka saman

bazu mire kasne ko rasan lata hai koi

sar par se rida khinche liye jata hai koi

munh dhanp ke bistar pe jo so jati hun dam bhar

tu chak-e-gareban nazar ate hain payambar

aman kabhi chillati hain yun khole hue sar

beti na bachchega tira mazlum baradar

kya leti hai bistar pe kidhar dhyan hai zinib

shaper isi rat ka mehman hai zinib

ye zikr abhi tha ke sakina ne pukara

sona to gaya ap ke hamrah hamara

main jagti hun aur jahan sota hai sara

gardun pe chamakne na lage subh ka tara

nind ai hai beti ko sula jaiye baba

bas ho chuken baten ab idhar aiye baba

hazrat ne kaha main tiri awaz ke qurban

allah tum ab tak nahin soi ho miri jan

ghurbat mein kahan rahat-o-aram ka saman

ban bap ke tum ko to nahin chain kisi an

achchhi nahin adat ye na roya karo bi bi

pahlu mein kabhi man ke bhi soya karo bi bi

kya howe jo ham ghar mein kisi shab ko na aen

majbur hun aise ke tumhen chhor ke jaen

tum pao na ham ko, na tumhen ham kahin paen

bi bi kaho phir chhati pe kis tarah sulaen

jangal mein bahut qafile lut jate hain, bi bi

barson jo rahe sath wo chhut jate hain, bi bi

jab umr thi kam, ham bhi chhute the yunhi man se

sote the lipat kar yun hi, khatun janan se

kuch un ka hua samne ankhon ke jahan se

matam se milen wo, na buka se, na fughan se

ye dagh ye andoh-o-alam sab ke liye hain

man bap zamane mein sada kis ke jiye hain

rasta wo ajal ka hai ke hota hi nahin band

kuch aj pidar ka hai to kal jaega farzand

hota hai qalaq furqat aulad mein wo chand

kya zor hai bande ka, jo marzi-e-khudawand

jo ae hain duniya mein wo sab kuch karenge

is zist ka anjam yahi hai ke marenge

ye kahte the hazrat ki sada ai azan ki

guldasta-e-islam pe, bulbul ne fughan ki

ik dam mein bahar aur hui bagh-e-jahan ki

talwar chali gulshan anjum pe khizan ki

mahtab hua gum falak nilofari se

phula gul khurshid, nasim-e-sahari se

garmi ki sahar aur wo phulon ka mahakna

murghan-e-chaman ka wo darakhton pe chahakna

anjum ka wo chhupna kabhi aur gah chamakna

wo sard hua aur wo sabze ka lahakna

is dasht mein roti thi jo shabnam shah den par

tha motiyon ka farsh-e-zamurrad ki zamin par

jalwa wo dam-e-subh ka, wo nur ka alam

dilchasp sada naubat-o-shahna ki, wo baham

surkhi wo shafaq ki, ufuq-e-charkh pe kam kam

wo gul ke katoron pe dar afshani-e-shabnam

khushki mein bhi sardi se tirai ka saman tha

par malik gulzar-e-janan, tishna dahan tha

lashkar mein idhar morche bandi ki hui dhum

yan farz ada karne lage ashiq qayyum

pichhe to jamaat thi aur age shah mazlum

saf basta mulaik hain, yahi hota tha maalum

sab sajid-o-rake the shahanshah ke hamrah

taban the behtar mah-e-nau mah ke hamrah

khema tha falak, ap qamar, dost sitare

tare bhi wo taron ko falak jin pe utare

kham ho gaya tha, pir-e-falak sharm ke mare

kahti thi zamin, auj hai tale ko hamare

khurshid nahin raushni-e-nayyar den hai

khud arsh ko dhoka tha, ye main hun ke zamin hai

jo saf hai wo ik satr hai qarin mubayyan ki

diwar hai qibla ki taraf, kaaba-e-din ki

kya khub jamaat hai ye arbab-e-yaqin ki

aflak ki zinat hai to raunaq hai zamin ki

kis tarah shahanshah se wo fauj juda ho

mushkil hai ke dariya se kahin mauj juda ho

is dam thi ye awaz pas-e-parda-e-qudrat

ai qudsiyo dekho mire bandon ki ibadat

na pyas ka shikwa hai, na faqon ki shikayat

ye zohd, ye taqwa, ye itaat, ye riyazat

kaunain mein ye sahab-e-iqbal-o-sharaf hain

alam hun ke un logon ke dil meri taraf hain

kis ijz se age mire hazir hain ye bande

dekho mire mahbub ke nasir hain, ye bande

mazlum hain be kis hain musafir hain ye bande

thore na hun kis tarah ke shakir hain ye bande

sadiq hain wali se mire un sab ko wala hai

un ka wo sila hai jo rasulon ka mila hai

pursish na lahad mein na hisab un ke liye hai

ye laiq-e-rahmat hain, sawab un ke liye hai

moti se jo hai saf, wo ab un ke liye hai

main jis ka hun saqi, wo sharab un ke liye hai

is nakhl-e-riyazat ke samar un ko milenge

jo arsh ke niche hain wo ghar un ke milenge

farigh jo salwat-e-sahari se hue den dar

poshak pahanne ko uthe sayyad-e-abrar

farmane lage hazrat abbas alamdar

han ghaziyo ab tum bhi sajo jang ke hathiyar

qurban tumhen hona hai mohammad ke pisar par

kamron ko kisu, gulshan-e-jannat ke safar par

amada-e-shar lashkar-e-kuffar hai kal se

hona hai tumhen aj, ham aghosh ajal se

dar pesh hai jang-o-jadal is fauj ke dal se

aqa bhi koi dam mein nikalte hain mahal se

han saf shikano waqt hai nusrat ki dua ka

khulta hai pharera ilm-e-fauj-e-khuda ka

ham log usi roz ke mushtaq hain, kab se

ab hogi mulaqat shahanshah-e-arab se

sayyadaniyan tum sab ko dua deti hain shab se

saf bandh ke ao, dar-e-daulat pe adab se

firdaus mein nana se huzur aj milenge

kausar pe tumhen khilat-e-nur aj milenge

is muzhda ko sunte hi musallah hue ghazi

astabal se ane lage jarraron ke tazi

sher-e-saf jangah tha, ek ek namazi

naare the ke qurban shahanshah-e-hijazi

dewrhi pe shagufta tha chaman-e-khuld-e-barin ka

khema mein talatum tha wida-e-shah den ka

the gard-e-haram bich mein wo ashiq-e-haq tha

manind-e-sahar rang har ik bi bi ka faq tha

banwe do alam ka jigar sine mein shaqq tha

zinib ye tarapti thi ke hazrat ko qalaq tha

shabbir ke pahlu se na hatti thi sakina

barhte the to daman se lipatti thi sakina

shah kahte the bi bi hamen ab jane do ghar se

sina mira shaqq hota hai, lipto na pidar se

wo kahti thi saya jo ye uth jaega sar se

hai hai main tumhen dhund ke laungi kidhar se

beti ka siwa ap ke koi nahin baba

shab bhar mein isi khauf se soi nahin baba

samjhate the hazrat ke main sadqe miri pyari

maidan se abhi aenge ham to kai bari

wo kahti thi main ap ki mazlumi ki wari

saman nazar ata hai yatimi ka hamari

dar pesh larai nahin gar fauj-e-shaqi se

kyun ap sifarish miri karte the phuphi se

ab ap ke jane se to sabit hai na ana

kyun kahte the zinib use chhati se sulana

bano mire pichhe, na sakina ko rulana

pani jo muyassar ho to pyas us ki bujhana

bahilaiyo jab ro ke mujhe yad karegi

tarpunga lahad mein jo ye fariyad karegi

main sunti thi abid se jo kuchh ki thi wasyyat

is ghar ki tabahi ki khabar dete the hazrat

hai hai ye miri umr ye sadma ye musibat

le lo mujhe hamrah, gawara nahin furqat

sath ap ke jaungi jo is dar-e-mehan se

koi miri gardan to na bandhega rasan se

nadan ki in baton pe ghar rota tha sara

matam mein kisi dil ko na tha, sabr ka yara

hazrat ko bhi furqat thi na beti ki gawara

dewrhi tak use god se apni na utara

jis dam wo chhutti, jite hi ji margae shaper

kis dard se rote hue bahar gae shaper

jis dam dar daulat pe amir-e-umam aya

pite ye haram ghar mein ke honton pe dam aya

taslim ko islam ka, lashkar baham aya

kis saulat-o-iqbal-o-hasham se ilm aya

jati thi lachakne mein ziya arsh tak us ki

khurshid ko panja mein liye thi chamak us ki

apas mein ye kahte the rafiqan-e-dilawar

dekhen ye huma saya fagan hota hai kis par

akbar ke to hai nam pe salari-e-lashkar

abbas ko denge shah den mansab-e-jaafar

ik ishq hai is sher se sultan-e-umam ko

bhai ko kabhi dekhte hain, gah-e-alam ko

zinib ke pisar mashwara ye karte the baham

kyun bhai alam lene ko mamun se kahin ham

taid-e-khuda chahiye go umr mein hain kam

ohda to hamara hai ye agah hai alam

waqif hain sabhi haidar-o-jaafar ke sharaf se

haq puchho to haqdar hain ham donon taraf se

dada bhi alamdar hai, nana bhi alam dar

ham apne buzurgon ke hain, mansab ke talab gar

kahta tha bara arz ka mauqaa nahin zinhar

hain badshah kaun-o-makan malik-o-mukhtar

ohda to bara ye hai ke mamun pe fida hun

chupke raho, aman na kahin sun ke khafa hun

matlab na alam se na hasham se hamen kuchh kam

mit jaen nishan, bas yahi ohda hai yahi nam

ye sar hun nisar-e-qadam shah-e-khush anjam

izzat rahe bhai, ye dua hai saharo sham

aqa jise chahen ilm-e-fauj-e-khuda den

mushtaq ajal hain hamen marne ki raza den

roti thi jo parde ke qarin zinib-e-dilgir

sab us ne mufassal ye suni beton ki taqrir

fizza se ye kahne lagi, wo sahab-e-tauqir

donon ko ishare se bala le kisi tadbir

kuchh kahna hai sun len use fursat unhen gar ho

abbas na dekhen na shah den ko khabar ho

ye kahti thi zinib ke khud ae wo nako kar

chhote se ye farmane lagen zinib nachar

kya baten abhi bhai se thin, ai mire dildar

is waqt mein ho kaun se mansab ke talab gar

samjhe na ke madar aqab parda khari hai

ghar lutta hai mera, tumhen mansab ki pari hai

allah bara azm kiya, bandh ke talwar

bachcho! tumhen aisa na samajhti thi main zinhar

dekho abhi tum donon se ho jaungi be zar

kuchh kahiyo na mamun se khabardar! khabardar

kya dakhl tumhen amar mein sultan-e-umam ke

dekhungi na phir munh, jo gae pas alam ke

kuchh aur hi tewar hain alam nikla hai jab se

tum kaun ho jo age barhe jate ho sab se

istada ho, ja kar aqab shah, adab se

ohda hai ye jis ka mujhe maalum hai shab se

is amar mein khatir na karen, aur kisi ki

main khush hun baja laen wasyyat ko ali ki

do roz se bhai pe mire zulm-o-sitam hai

tum fikr-e-alam mein ho mujhe sakht alam hai

chhote se hain qad, sin bhi tumhara abhi kam hai

khel us ko na samjho ye mohammad ka alam hai

hargiz na abhi kuchh shah-e-zi jah se kahna

kahna bhi to rukhsat ke liye shah se kahna

mana ke pahonachta hai tumhen mansab jaafar

aqa ki ghulami se hai ohda koi barh kar

chhota mira bhai bhi hai, beton ke barabar

ashiq ka to ashiq hai, baradar ka baradar

bigrungi gila gar koi uslub karoge

abbas se kya tum mujhe mamjob karoge

zinib ne itabana jo ki un se ye guftar

yun kahne lage, jor ke hathon ko wo dildar

shahon se ghulamon ne bhi ki hai, kabhi takrar

malik hain jise chahen alam den, shah-e-abrar

rukhsat ke liye tegh-o-sipar bandhe hue hain

ham subh se marne pe kamar bandhe hue hain

zinib ne kaha le ke balaen ke sidharo

bas ab mira dil shad hua ai mire pyaro

man sadqe gai, sar-e-qadam shah pe waro

ho eid mujhe gar umr-o-shimr ko maro

ye waqt hai imdad imam-e-azali ka

de chhote se hathon mein khuda zor ali ka

sadqe gai sun lo ke main kahti hun jata kar

tum pahle fida kijiyo sar-e-shah ke qadam par

maidan mein zakhmi hue gar qasim-o-akbar

phir tum mire farzand na main donon ki madar

jab dil hua naraz to farzand kahan ke

kis kam ka wo laal jo kam ae na man ke

un mein se agar ran ki taraf ek sidhara

zahra ki qasam munh na main dekhungi tumhara

jis waqt sunungi ke sar in donon ne wara

is waqt tumhen hoga mira dudh gawara

be jan hue baad un ke, to matam na karungi

dekho jo marungi bhi to naraz marungi

hain donon bhatije, mire pyare mire mahbub

tum un pe tasadduq ho, yahi hai mujhe matlub

jina nahin behtar kisi surat, kisi uslub

be sar diye dudh apna mein bakhshun tumhen, kya khub

iza jo uthaoge to rahat bhi milegi

jab aengi lashen to ye daulat bhi milegi

dekho kahe deti hun khabardar! khabardar

jite jo rahe dudh na bakhshungi mein zinhar

sheron ke ye hain kam khinche jis ghari talwar

rakh dewen gila barh ke, tah-e-khanjar-e-khun khwar

tori hain safen jang mein jab khet pare hain

jinnat ke lashkar se ali yun hi lare hain

aada ko mire dudh ki tasir-e-dikhao

ijlal-e-husn-e-shaukat-e-shabbir-e-dikhao

jaafar ki tarah jauhar-e-shamshir-e-dikhao

tan tan ke yad allah ki taswir-e-dikhao

khurshid-e-imamat se qarabat mein qarin ho

tum sher ho sheron ke hasinon ke hasin ho

jaafar se numudar ke dilbar ho dilero

haidar se dilawar ke dilawar ho dilero

jarrar ho, karrar ho, safdar ho dilero

zirgham ho, zaigham ho, ghazanfar ho dilero

tiron se jawanon ke jigar tor ke ao

khaibar ki tarah kofe ka dar tor ke ao

khandaq ki larai ki tarah jang ko jhelo

bachche asad allah ke ho, jan pe khelo

teghon mein dhanso, chhatiyon se nezon ko relo

kofe ko tah-e-tegh karo, sham ko le lo

do aur jala aina-e-tegh-e-arab ko

lo rom ko qabze mein to qabu mein halab hai

khaqan ka raha takht na qaisar ka raha taj

han ghaziyo! chain-o-habash-o-zang se lo baj

charhna hai larai pe jawan mardon ko meraj

giti tah-o-bala ho wo talwar chale aj

yun ayu char aina pahne hue bar mein

jis tarah ali baad zafar ate the ghar mein

mele na hun tewar, ye sipahi ke hunar hain

jis ke hain, bas us ke hain, jidhar hain bas idhar hain

gah itr mein dube hain, gahe khun mein tar hain

sohbat mein musahib hain, larai mein sipar hain

wo aur kisi se na jhukenge na jhuke hain

izzat mein na farq ae ke sar bich chuke hain

ye sun ke jo nikle wo jari kheme se bahar

kis pyar se munh donon ka takne lage surur

akbar ne ye ki arz ke ai sibt-e-payambar

tayyar hai sab qibla-e-kaunain ka lashkar

jaldi hai larai ki idhar fauj-e-sitam ko

irshad jise ho wo barhe le ke alam ko

shah bole ke abasi-e-dilawar ko bulao

pyare mire mahbub baradar ko bulao

ashiq ko madadgar ko yawar ko bulao

jaldi mire hamza mire jaafar ko bulao

ye auj, ye rutba, ye hasham us ke liye hai

zeb us se alam ki hai, alam us ke liye hai

sab takne lage surat-e-abbas falak jah

nazan hua khud auj pe apne ilm-e-shah

yaani mira amil hai nishan-e-asad allah

balida tha parcham, to pharera tha hua khwah

jan a gai thi sunte hi is khushkhabari ko

panja bhi ishare se bulata tha jari ko

khush ho ke ye amo ko pukare ali akbar

jald aiye yad ap ko farmate hain surur

hazir hua jore hue hathon ko ho safdar

irshad kiya shah ne alam bhai ko de kar

rakhiye use kandhe pe, ye hai ap ka ohda

lo bhai mubarak ho tumhen bap ka ohda

bosa diya abasi-e-dilawar ne alam par

taslim ki aur rakh diya sar shah ke qadam par

ki arz ke qurban is altaf-o-karam par

so sar hun to sadqe mein shahanshah-e-umam par

adna jo abhi tha use aala kiya maula

qatre ko tire faiz ne dariya kiya maula

is chatar-e-falak qadr ka saya mire sar par

is dhup mein hoga, pe pharera mire sarpar

ye abr mire sar pe, ye tuba mire sar par

qaim rahen lakhon baras aqa mire sar par

sultan-e-do alam ki ghulami ke sile hain

sab auj ye naalain uthane se mile hain

hazrat ne kaha ro ke ye kya kahte ho pyare

hazir hai agar jan bhi kam ae tumhare

hissa ye tumhara tha so pahuncha tumhen bare

malik ho tumhen, ham to hain ab gor kinare

tha dil mein jo kuchh wo bakhuda ho nahin sakta

bhai tira haq mujh se ada ho nahin sakta

ye kah ke barhe surur-e-din janib-e-tosun

hatyar lagae hue, pahne hue joshan

aswar hue ap, jo gardan ke daman

allah re ziya, khana-e-zain ho gaya raushan

wo paon rikabon ke liye bais-e-zau the

khurshid ke qadmon ke tale do mah-e-nau the

ranon ke ishare se laga kaundne, shabdez

aswar ke dil ka tha ishara use mohmiz

garma ke jo shabbir ne tazi ko kiya tez

aada pe chala ghaul sawaron ka, jilau rez

ek ek jawan-e-arabi, rashk-e-malak tha

allah ke lashkar ka alam, sar ba falak tha

kya faiz-e-sawari tha ke zar rez thi sab rah

tale tha idhar mehr, idhar tha ilm-e-shah

mabain do khurshid thi, fauj-e-shah-e-zi jah

panje pe tajalli thi, ke allah hi allah

bala thi chamak, mehr-e-munawwar ki chamak par

zau us ki zamin par thi, ziya us ki falak par

ek ek jawan, zewar-e-jangi ko sanware

nezon ki chamak aur wo samundar ke tarare

jaafar ke jigar band, yad allah ke pyare

rustam se har ik jang kare sher ko mare

sayyaf ho marhab sa, to shamshir se maren

arjin se kamandar ko, ik tir se maren

kam sun kai larkon ka juda ghaul tha sab se

soe bhi na the, walwala-e-jang mein, shab se

ro ke hue bagon ko, shah-e-din ke adab se

aada ki taraf dekhte the, chashm-e-ghazab se

hathiyar jo bandhe the to kya tan pe khule the

sab nimache tole hue marne pe tule the

wo chand sa munh, aur wo gore badan, un ke

sharminda ho ghunche bhi, wo nazuk dahan un ke

yusuf ki tarah itr fishan pairahan un ke

markar wahi kapre hue akhir kafan un ke

kya husn-e-aqidat tha ajab dil ke jawan the

aqa pe fida hone ko sab ek zaban the

umren to kam-o-besh, ye sab gesuon wale

ik ghaul mein the chand kai aur kai hale

zi martaba sayyadaniyon ko god ke pale

ghuncha tha wo sab, akbar-e-gul ru ke hawale

un taza nihalon mein numudar yahi the

is gulshan-e-yak rang ke mukhtar yahi the

maqtal ko jo pur nur kiya, askar-e-din ne

dekha taraf-e-charkh, hiqarat se zamin ne

uncha na kiya sar-e-falak-e-mah-e-jabin ne

ki farsh pe hasrat se nazar arsh-e-barin ne

uth uth ke chamak apni dikhane lage zarre

khurshid ke pahlu ko dabane lage zarre

khola jo pharere ko alamdar jari ne

laute gul-e-firdaus, nasim-e-sahari ne

taron ko utara, falak-e-nilofari ne

parcham jo khula khol diye bal-e-pari ne

isa ne pukara ke nisar us ke chashm ke

khurshid ne munh rakh diya panje pe alam ke

tartib-e-saf-e-fauj ka jis dam hua aalam

bandhi ali akbar ne saf-e-lashkar-e-islam

zahir jo hui shan-e-jawanan-e-gul andam

kofe ke nishan jhuk gae, kanpi sipah-e-sham

allah re shaukat shurafa-o-nujaba ki

islam ka lashkar tha ke qudrat bhi khuda ki

nagah baja tabal, barha lashkar-e-saffak

ta charkh gaya, ghalghala-e-kos-e-shaghab nak

fariyad se qarna ki hila gumbad-e-aflak

tharra gaya awaz-e-duhul se kura-e-khak

naubat thi zabas qatl-e-imam-e-madani ki

saf ati thi tashon se sada sina zani ki

wan shor tha bajon ka idhar naara-e-takbir

ek ek jari jhumta tha tol ke shamshir

nigah su-e-fauj-e-khuda ane lage tir

abbas almabdar ne dekha rukh-e-shabbir

ki arz ke larne ko sharir ate hain maula

kya hukm hai ab pyason pe tir ate hain maula

shah ne kaha sharm ati hai kya hukm mein dun ah

haftad-e-do tan yan hain, idhar saikron gumrah

ghazi ne ye ki arz ke ai gul ke shahanshah

ye sher nistan-e-ali hain, to wo robara

lakhon hain to kya darhai shujaan-e-arab ko

iqbal se aqa ke bhagga dete hain sab ko

farmaya ke faqe se hai, sara mira lashkar

pani nahin milta ke lab-e-khushk karen tar

behtar hai agar pahle kate tan se mira sar

ghazi ne kaha sher-e-garsanh hain, ye safdar

hamlaun se ulat denge pare fauj-e-adu ke

bhuke hain ye zakhmon ke, pyase hain lahu ke

hazrat ne kaha khair! laro fauj-e-sitam se

maalum hai sab aj juda howen ge ham se

duniya se na matlab hai, na kuchh jah-o-hasham se

kat jaega apna bhi gila, te-e-do dam se

maqbul hain wo, jo miri imdad karenge

is jang ko bhi log, bahut yad karenge

jis dam ye suni, qibla-e-kaunain ki guftar

janbaz barhe, fauj se chalne lagi talwar

the pyason ke hamle ghazab-e-hazrat-e-qahhar

choti ke jawan bhag gae phenk ke talwar

kaun ankh mila sakta tha, sheron se arab ke

jab karte the naare qadam uth jate the sab ke

larta tha ghazab ek ke baad ek wafadar

din charhta tha yan, garm tha wan maut ka bazar

sar bechte the, jins-e-shahadat ke talabgar

barh barh ke kharidar pe girta tha kharidar

len pahle, ham ek ek ki jan us ki bari thi

uqba ka jo sauda tha to qimat bhi kari thi

aya jo azizon ke liye maut ka paigham

farzandon ne jaafar ke bare ran mein kiye kam

aulad-e-aqil a chuki shabbir ke jab kam

larne ko gae muslim-e-bekas ke gul andam

tha hashr bapa nadiyan bahti thin lahu ki

bachchon ne ulat di thin safen fauj-e-adu ki

lashkar mein talatum tha ghazab chalti thi talwar

betab the yan, zinib-e-nashad ke dildar

munh dekh ke hazrat ka yahi kahte the har bar

ham jaenge baad un ke su-e-lashkar-e-kuffar

ji jaen jo maula hamen marne ki raza den

aisa na ho qasim ko huzur-e-izn-e-wigha den

kuchh un se kaha chahte the surur-e-zi shan

jo ghul hua mare gae muslim ke dil-o-jan

lashe bhi idhar a chuke, jab khun mein ghaltan

phir hathon ko jora ke mile rukhsat maidan

shah ne kaha ye dagh to dushwar hai ham par

in donon ne sar rakh diye mamun ke qadam par

hazrat ne kaha man se bhi ho ae ho rukhsat

kya kahte ho lutwa dun main hamsher ki daulat

maya ho tumhen us ka, tumhen us ki bizaat

chhote ne ye hazrat se kaha tham ke riqqat

jhute nahin ham, ap abhi puchh len sab se

aman to raza de chuki hain, marne ki shab se

bachchon ne jo ki jor ke hathon ko ye taqrir

in donon ka munh dekh ke rone lage shabbir

farmaya chhurata hai, tumhen bhi falak-e-pir

achchha mein raza mand hun, jo maraz-e-hamsher

wo sida-e-pak-e-nawwasi hai nabi ki

fayyaz ki hamsher hai, beti hai sakhi ki

ye sun ke jhuke akhiri taslim ko zi jah

khurshid ke age mah-e-nau ban gae do mah

ki su-e-falak dekh ke shabbir ne ik jah

do sher chale ghoron par charh kar su-e-jangah

man dewrhi se chillai ke rukhsat ho mubarak

sarkar-e-shahanshah se, khilat ho mubarak

sultan-e-do alam ne makhlaa kiya wari

tum jate ho ya jati hai dolaha ki sawari

parwan charhe, khatm huin shadiyan sari

lo dur se leti hun balaen, tumhari

sadqe gai nezon ko hilate hue jao

shaklen mujhe phir phir ke dikhate hue jao

taslim ko ghoron se jhuke, donon wo gul ru

dil man ka ye umda ke tapakne lage ansu

bagen jo uthaen to faras ban gae, ahu

phir dekhne pai na unhen zinib-e-khush khu

maidan ki taraf yas se man rah gai tak kar

pinhan hue badli mein sitare se chamak kar

maidan mein ajab shan se wo sher-e-nar ae

goya ke baham haidar-o-jaafar nazar ae

ghul par gaya hazrat ki bahan ke pisar ae

aflak se bala-e-zamin do qamar ae

yusuf se fuzun husn garanmaya hai un ka

ye dhup bayaban mein nahin, saya hai un ka

wo chand se munh, aur wo gesu-e-muambar

wo badr se rukhsar, zahe qudrat-e-dawar

sab shan yadallah ki, sab shaukat-e-haidar

chitwan wahi, ghussa wahi, sare wahi tewar

ye dabdaba kis sahab-e-shamshir ne dekha

dekha jise, maalum hua sher ne dekha

tan tan ke jo shan apni dikhate the wo zi jah

chhati se laga lete the donon ko yad allah

shamshad se qamat, na daraz aur na kotah

khele hue teghon mein fan-e-jang se agah

nakhun se dileron ke sab andaz-e-wigha the

bachche the magar bachcha-e-zirgham-e-khuda the

the husn mein in donon ke aina ru ek

peshani-o-abru-o-sar-o-sadr-o-galo ek

shan ek, shikwa ek, jo rang ek, to bu ek

dil ek, jigar ek, jasad ek, lahu ek

aur un sa koi gharb se ta sharq nahin hai

do tukre hain ik seb ke, kuchh farq nahin hai

parhne lage ashar-e-rajaz jab wo dilawar

allah ri fasahat fasha ho gae shashdar

har bit thi dushman ke liye tegh-e-do paikar

har misra-e-barjasta mein thi tez-e-khanjar

de kaun jawab un ka ke dam band tha sab ka

wan qafiya tha tang shujaan-e-arab ka

izhar-e-nasab mein jo mohammad ka liya nam

sab parhne lage sal-e-ali sahab-e-islam

age jo barhe nam-e-ali ke ke wo gulfam

dil hil gae tharrane laga rom se ta sham

jaafar ka jo kuchh zikr kiya baad ali ke

mujre ko alam jhuk gae sab fauj-e-shaqi ke

aghaz tha zikr-e-sharaf-e-hazrat-e-shabbir

danke pe idhar chot lagi, chalne lage tir

is waqt bare bhai ne ki chhote se taqrir

talwar alam kijiye ab kis liye takhir

kahte to juda ho ke sitamgaron pe jaen

aswaron mein ham, ap kamandaron pe jaen

farmaya bare bhai ne hans kar, nahin bhai

tum jan ho, dushwar hai dam bhar ki judai

ho jati hai ik an mein, har saf ki safai

kar dete hain sar, kaun si aisi hai larai

bazu hun qawi, hath se gar hath na chhote

sar tan se utar jae, magar sath na chhote

nana ki tarah, fauj pe hamle karen, ao

talwaron mein tan tan ke chalo, barchhiyan khao

un chhote se hathon ka hamen, zor-e-dikhao

ham sina sipar tum pe hun, tum ham ko bachao

ham sheron pe rustam ka bhi munh par na sakega

jab do hue ik dil to koi lar na sakega

chhote ne kaha jor ke hathon ko ke, behtar

bas khinch liye nimache, donon ne barabar

do bijliyan kaunden ke larazne lage lashkar

nezon ke nayastan mein-e-dar ae wo ghazanfar

barbad kiya rau mein sawaron ko daba ke

rahwar bhi aswar the ghoron pe hawa ke

un chhoti si talwaron ke the kat nirale

thin kahniyan pahunchon se juda, hathon se bhale

masal apni jamae the jo be misl risale

the jaiza un sab ka yahi dekhne wale

naz apne hunar par tha shujaan-e-arab ko

nezon ko qalam kar ke nadarad kiya sab ko

maut ai idhar, nimache donon jidhar ae

jab hath barha, paon pe kat kat ke sar ae

gar sine tak ae to, kabhi ta kamar ae

khali na phire, jis pe gae, khun mein bhar ae

har nimcha, bijli tha sitamgaron ke haq mein

dube hue the do mah-e-nau, khun ki shafaq mein

uthti thi na dar se kisi khun khwar ki gardan

sar khud ka jhuk jata tha, talwar ki gardan

do char ke munh kat gae, do char ki gardan

aswar ka sar ur gaya, rahwar ki gardan

do nimache bijli se guzarte the kamar se

adhe hue jate the lain jan ke dar se

do chhoti si teghon se qayamat nazar ai

maasumon ke hathon se karamat nazar ai

sar katne ki, aada ke alamat nazar ai

lo hai ki sipar bhi na salamat nazar ai

be wajh na phir jate the munh ahl-e-jafa ke

dariya ke thapere the, tamanche the qaza ke

gardan se barhe kat ke paikar nikal ae

joshan ko dikhate hue jauhar nikal ae

char aina mein tir ke bahar nikal ae

sabon se do tar barabar nikal ae

mehrab ke niche kise jhukte nahin dekha

machhli ko bandhe pani mein rukte nahin dekha

har ghaul mein ghaltan-o-tapan the sarw paikar

dastane kahin the, kahin dhalen, kahin mighfar

jab nimache in donon ke uthte the barabar

munh khauf se dhalon mein chhupate the sitam gar

roke unhen, taqat ye na thi pir-o-jawan ki

surat nazar ane lagi tegh-e-do zaban ki

gharat thi wo saf jis se wigha karke phire wo

do hath mein sau sau ko fana karke phire wo

sardaron ke sar tan se juda karke phire wo

har ghaul mein ik hashr bapa karke phire wo

ghul tha ke pare tute hue jam nahin sakte

sar katne ki dahshat se qadam tham nahin sakte

ghore the chhalawa, kabhi yan the kabhi wan the

putli mein to phirte the, par ankhon se nihan the

yan the jo subuk ro to idhar garm inan the

bijli the kisi ja to kahin ab-e-rawan the

ho sakti thi bijli se ye surat na hiran se

jhonke the hawa ke ke nikal jate the san se

be ab the do din se ye jandar the ghore

har martaba ur jane pe tayyar the ghore

us par kabhi the, kabhi us par the ghore

nuqta the wo sab fauj ki parkar the ghore

das bis jo mar jate the tapon se kuchal kar

barh sakta na tha ik bhi ihata se ajal ke

tane hue sinon ko jidhar jate the donon

talwaron ki maujon se guzar jate the, donon

har ghaul mein be khauf-o-khatar jate the, donon

sab hote the paspa to thahar jate the, donon

ulti hui saf dekh ke hans deta tha bhai

bhai ki taraf dekh ke hans deta tha bhai

dam le ke jo ghoron ko urate the wo jarrar

aada ke risalon ko bhagate the wo jarrar

sheron ki tarah fauj pe jate the wo jarrar

do karte the yakta, jise pate the wo jarrar

sheron ne jo mara bhi to ro daron ko mara

jab ankh mili chun ke numudaron ko mara

jamiyyat-e-lashkar ko pareshan kiya, dam mein

jo fauj ki jan the, unhen be jan kiya dam mein

talwaron se jangal ko, gulistan kiya dam mein

sar kat ke khunkhwaron ko ghaltan kya dam mein

be dast the ilmon ko, jo be din liye the

bachchon ne jawanon ke nishan chhin liye the

do lakh ko donon ne kiya tha tah-o-bala

tegh ek ki chalti thi, to ik bhai ka bhala

ik barh gaya gar ek ne ghore ko nikala

dam us ne liya, us ne larai ko sambhala

yak ja faras-e-tez qadam ho gae donon

jab bhir barhi kuchh to baham ho gae donon

wo chher ke tazi ko sawaron mein dar aya

dam bhar mein piyadon ko pamal kar aya

jab sher sa pahuncha wo idhar, ye idhar aya

jan a gai bhai ko jo bhai nazar aya

bach bach ke nikalte the jo nezon ke tale se

ik bhai lipat jata tha bhai ke gale se

kuchh bhai se barh kar jo wigha karta tha bhai

bach jane ki bhai ke dua karta tha bhai

haq bhai ki ulfat ka ada karta tha bhai

har war pe bhai ki sana karta tha bhai

tum sa nahin safdar koi wallah baradar

kya khub lare salmak allah baradar

kahta tha bare bhai se chhota basad adab

bhai mein bhagga dun abhi un ko, jo mile ab

ab pyas ki garmi se kaleje ko nahin tab

sine mein mira dil nahin, atish pe hai simab

ham log mahaq kya nahin is ab-e-rawan ke

talu mein khalish hoti hai kanton se zaban ke

kahta tha bara bhai mein sadqe tire gulfam

ham khushk zabanon ko, bhala pani se kya kam

ab jald ajal ae to kausar ka piyen jam

ghash ham ko bhi a jaega, pani ka na lo nam

ankhen to sitamgaron ki teghon se lari hain

chupke raho aman dar-e-khema pe khari hain

is nahr ka lena to kuchh aisa nahin mushkil

roken hamen kya tab lainon ki hai, kya dil

pal bandh len lashon ke abhi ham sar-e-sahil

batlaiye, phir nahr ke le lene se hasil

dekho na idhar pyas se go lakh taab hai

aman hamen gar dudh na bakhshen to ghazab hai

ashk ankhon mein bhar kar, kaha chhote ne bahut khub

har dam hai razamandi-e-madar hamen matlub

aise to nahin ham ke buzurgon se hun mahjub

manzur ye tha fakhr ka, nikle koi uslub

dariya ko bhi dekhenge na ab ankh utha ke

pite bhi to pahle shah-e-wala ko pila ke

jaafar ke jo paute hain, to haidar ke nawase

kuchh ham ali akbar se ziyada nahin pyase

ye kahte hi larne lage, phir ahl-e-jafa se

fariyad ke bachchon pe giri fauj qifa se

khun sar ka baha munh pe to ghabra gae donon

do lakh ki teghon ke tale a gae donon

dube hue the sham ke badal mein wo do mah

parde se khari takti thi, zinib su-e-jangah

abbas se kahte the tarap kar shah-e-zi jah

ab mujh se juda hote hain do sher mire ah

kyun kar mutahammil ho dil is ranj-o-mehan ka

ghar lutta hai bhai miri nadar bahan ka

is bi bi ke faqon ke hain pale hue ye lal

daulat hai yahi, aur yahi hashmat-o-iqbal

sat ath baras ke hain abhi kya hai sun-o-sal

sab hath milenge jo ye gul ho gae pamal

taza yahi do phul hain jaafar ke chaman mein

mar jaega bap un ki khabar sun ke watan mein

ro kar dam-e-rukhsat wo yahi kahte the har bar

main shah ka khadim hun, ye donon hain namak khwar

agah sobat-e-safar se nahin zinhar

ai dukhtar-e-zahra mire beton se khabardar

main rakh nahin sakta hun ke mamun pe fida hain

ab to yahi donon mire piri ke asa hain

shauhar ka tarapna use kuchh bhi na raha yad

hai hai miri ulfat mein luti zinib-e-nashad

yun bhai pe sadqe koi karta nahin aulad

ham dekhte hain aur bahan hoti hai barbad

ru-e-gi wo beton ko to samjhaenge kyun kar

munh zenbi dilgir ko dikhlaenge kyun kar

abbas ne ki arz, kaleja hai do para

un ko to kisi ki nahin, imdad gawara

zakhmi hue, na mujh ko na akbar ko pukara

jae ye ghulam ap jo farmaen ishara

hazrat ki qasam de ke main samjhaunga un ko

machlenge to godi mein utha launga un ko

hazrat ne kaha sahab-e-ghairat hain, wo donon

lakht-e-jigar shah-e-wilayat hain wo donon

zirgham-e-nistan-e-shujaat hain, wo donon

wallah bare sahab-e-himmat hain wo donon

do lakh to kya hain jo karoron mein ghirenge

be jan diye, wo na phire hain na phirenge

barhne lage maidan ki taraf qasim-e-zi jah

akbar ne ye ki arz ke main jata hun ya shah

hai donon ki furqat ka, mujhe sadma-e-jankah

lakhon mein hain tanha phuphi aman ke pisar, ah

reti pe kahin gar na paren barchhiyan kha kar

main sath unhen le ata hun aada ko bhagga kar

ghabra ke dar-e-khema se zinib ye pukari

sar nange mein niklungi, jo tum jaoge wari

aulad mujhe tum se ziyada nahin pyari

batlao ke main un ki hun ashiq ke tumhari

maidan ki taraf qasim be par bhi na jaen

talwaron mein abasi-e-dilawar bhi na jaen