جب صنم کوں خیال باغ ہوا

جب صنم کوں خیال باغ ہوا

طالب نشۂ فراغ ہوا

فوج عشاق دیکھ ہر جانب

نازنیں صاحب دماغ ہوا

رشک سوں تجھ لباں کی سرخی پر

جگر لالہ داغ داغ ہوا

دل عشاق کیوں نہ ہو روشن

جب خیال صنم چراغ ہوا

اے ولیؔ گل بدن کوں باغ میں دیکھ

دل صد چاک باغ باغ ہوا

jab sanam kun khayal bagh hua

talib-e-nasha-e-faragh hua

fauj-e-ushshaq dekh har janib

naznin sahab-e-dimagh hua

rashk sun tujh luban ki surkhi par

jigar-e-lala dagh dagh hua

dil-e-ushshaq kyun na ho raushan

jab khayal sanam charagh hua

ai wali gul badan kun bagh mein dekh

dil-e-sad chak bagh bagh hua