جب آنکھ بند ہوگی دیدار دیکھ لیں گے

جب آنکھ بند ہوگی دیدار دیکھ لیں گے

کب تک چھپوگے ہم سے اے یار دیکھ لیں گے

کھڑکی قفس کی چاہے صیاد بند کر دے

ہم روزن قفس سے گلزار دیکھ لیں گے

واعظ نہ میکدے میں شیخی بگھار آ کر

ساقی الگ رہے گا مے خوار دیکھ لیں گے

کوچے میں ان بتوں کے اے قدرؔ پھر پھرا کر

ہم قدرت خدا کے اسرار دیکھ لیں گے

jab ankh band hogi didar dekh lenge

kab tak chhupoge ham se ai yar dekh lenge

khirki qafas ki chahe sayyad band kar de

ham rauzan-e-qafas se gulzar dekh lenge

waiz na maikade mein shekhi baghar a kar

saqi alag rahega mai khwar dekh lenge

kuche mein un buton ke ai qadr phir phira kar

ham qudrat-e-khuda ke asrar dekh lenge