جب تک کہ تو جلوہ گر نہ ہووے

جب تک کہ تو جلوہ گر نہ ہووے

میری شب غم سحر نہ ہووے

افسوس کہ جس سے ہم گزر جائیں

اور تیرا ادھر گزر نہ ہووے

عاشق ترا اپنی جان کھو دے

پر حیف تجھے خبر نہ ہووے

مر جائیں ہم آہ کرتے کرتے

اور دل میں ترے اثر نہ ہووے

صد حیف ضمیرؔ ہم تو روئیں

اس کی کبھی چشم تر نہ ہووے

jab tak ke tu jalwa gar na howe

meri shab-e-gham sahar na howe

afsos ke jis se ham guzar jaen

aur tera idhar guzar na howe

ashiq tira apni jan kho de

par haif tujhe khabar na howe

mar jaen ham ah karte karte

aur dil mein tire asar na howe

sad haif zamir ham to roen

us ki kabhi chashm-e-tar na howe