جاں فشانی کا واں حساب عبث

جاں فشانی کا واں حساب عبث

جو کہو اس کا ہے جواب عبث

ماہتاب اور کتاں کا عالم ہے

عارض دوست پر نقاب عبث

قفل در کی کلید نا پیدا

اب تمناے فتح باب عبث

زلف پر خم ہوا سے کیوں نہ ہلے

آپ کھاتے ہیں پیچ و تاب عبث

خط اسے بھیجنا ضرور مگر

دوست سے خواہش جواب عبث

میرے اشعار سب بیاضی ہیں

ہم نشیں فکر انتخاب عبث

ہے ہماری نظر میں حرمت مے

پیچش اہل احتساب عبث

یاں نہیں کفر‌ و دین خوف و رجا

لطف بے فائدہ عتاب عبث

نہ ثواب اس میں ہے نہ اس میں اثر

صبر بے ہودہ اضطراب عبث

وعدہ اس نے کیا تو کیا ناظمؔ

عبث اے خانماں خراب عبث

jan fishani ka wan hisab abas

jo kaho us ka hai jawab abas

mahtab aur katan ka alam hai

ariz-e-dost par naqab abas

qufl-e-dar ki kilid na paida

ab tamanna-e-fath-e-bab abas

zulf par kham hawa se kyun na hile

ap khate hain pech-o-tab abas

khat use bhejna zarur magar

dost se khwahish-e-jawab abas

mere ashar sab bayazi hain

ham nashin fikr-e-intikhab abas

hai hamari nazar mein hurmat-e-mai

pechish-e-ahl-e-ehtisab abas

yan nahin kufr-o-din khauf-o-raja

lutf-e-be faida itab abas

na sawab is mein hai na is mein asar

sabr be hoda iztirab abas

waada us ne kya to kiya nazim

abas ai khanuman kharab abas