جب تک کہ طبیعت سے طبیعت نہیں ملتی

جب تک کہ طبیعت سے طبیعت نہیں ملتی

ہوں پیار کی باتیں بھی تو لذت نہیں ملتی

آرام گھڑی بھر کسی کروٹ نہیں ملتا

راحت کسی پہلو شب فرقت نہیں ملتی

جب تک وہ کھنچے بیٹھے ہیں دل ان سے رکا ہے

جب تک نہیں ملتے وہ طبیعت نہیں ملتی

جیتے ہیں تو ہوتی ہے ان آنکھوں سے ندامت

مرتے ہیں تو اس لب سے اجازت نہیں ملتی

اس زہد پر نازاں نہ ہو زاہد سے یہ کہہ دو

تسبیح پھرانے ہی سے جنت نہیں ملتی

کیا ڈھونڈھتے ہیں گور غریباں میں وہ آ کر

کس کشتۂ رفتار کی تربت نہیں ملتی

کس طرح مرے گھر وہ حفیظؔ آئیں کہ ان کو

غیروں کی مدارات سے فرصت نہیں ملتی

jab tak ke tabiat se tabiat nahin milti

hun pyar ki baten bhi to lazzat nahin milti

aram ghari bhar kisi karwat nahin milta

rahat kisi pahlu shab-e-furqat nahin milti

jab tak wo khinche baithe hain dil un se ruka hai

jab tak nahin milte wo tabiat nahin milti

jite hain to hoti hai in ankhon se nadamat

marte hain to us lab se ijazat nahin milti

is zohd par nazan na ho zahid se ye kah do

tasbih pharane hi se jannat nahin milti

kya dhundhte hain gor-e-ghariban mein wo a kar

kis kushta-e-raftar ki turbat nahin milti

kis tarah mire ghar wo hafiz aen ke un ko

ghairon ki madarat se fursat nahin milti