جب تجھ عرق کے وصف میں جاری قلم ہوا

جب تجھ عرق کے وصف میں جاری قلم ہوا

عالم میں اس کا ناؤں جواہر رقم ہوا

نقطے پہ تیرے خال کے باندھا ہے جن نے دل

وو دائرہ میں عشق کے ثابت قدم ہوا

تجھ فطرت بلند کی خوبی کوں لکھ قلم

مشہور جگ کے بیچ عطارد رقم ہوا

طاقت نہیں کہ حشر میں ہووے وو دادخواہ

جس بے گنہ پہ تیری نگہ سوں ستم ہوا

بے منت شراب ہوں سر شار انبساط

تجھ نین کا خیال مجھے جام جم ہوا

جن نے بیاں لکھا ہے مرے رنگ زرد کا

اس کوں خطاب غیب سوں زریں رقم ہوا

شہرت ہوئی ہے جب سے ترے شعر کی ولیؔ

مشتاق تجھ سخن کا عرب تا عجم ہوا

jab tujh araq ke wasf mein jari qalam hua

alam mein us ka naun jawahir raqam hua

nuqte pe tere khal ke bandha hai jin ne dil

wo daira mein ishq ke sabit qadam hua

tujh fitrat-e-buland ki khubi kun likh qalam

mashhur jag ke bich utarid raqam hua

taqat nahin ke hashr mein howe wo dadkhwah

jis be gunah pe teri nigah sun sitam hua

be minnat-e-sharab hun sar shar imbisat

tujh nain ka khayal mujhe jam-e-jam hua

jin ne bayan likha hai mire rang-e-zard ka

is kun khitab ghaib sun zarrin raqam hua

shohrat hui hai jab se tire sher ki wali

mushtaq tujh sukhan ka arab ta ajam hua