تھی تو سہی پر آج سے پہلے ایسی حقیر فقیر نہ تھی

تھی تو سہی پر آج سے پہلے ایسی حقیر فقیر نہ تھی

دل کی شرافت ذہن کی جودت اتنی بڑی تقصیر نہ تھی

سچ کہتے ہو ہم ایسے کہاں اور سوز و گداز عشق کہاں

سچ ہے مرے آئینۂ دل میں کوئی کبھی تصویر نہ تھی

اب جو اچاٹ ہوئی ہے طبیعت شاید اب ہم رخصت ہیں

بن کارن بے بات وگرنہ ایسی کبھی دلگیر نہ تھی

اہل جنوں کو فصل خزاں سے اب کے بھی گو نہ ربط رہا

اب کے بہار وہ آئی کی جس کی بوئے گل بھی سفیر نہ تھی

آخر غیرت نے سمجھایا نومیدانہ زیست کریں

باقی ہر تدبیر تو کی جو اپنے خلاف ضمیر نہ تھی

thi to sahi par aj se pahle aisi haqir faqir na thi

dil ki sharafat zehn ki jaudat itni bari taqsir na thi

sach kahte ho ham aise kahan aur soz-o-gudaz-e-ishq kahan

sach hai mire aina-e-dil mein koi kabhi taswir na thi

ab jo uchat hui hai tabiat shayad ab ham rukhsat hain

ban karan be bat wagarna aisi kabhi dilgir na thi

ahl-e-junun ko fasl-e-khizan se ab ke bhi go na rabt raha

ab ke bahar wo ai ki jis ki bu-e-gul bhi safir na thi

akhir ghairat ne samjhaya nomidana zist karen

baqi har tadbir to ki jo apne khilaf-e-zamir na thi